د امریکا د پخواني صدر ډانلډ ټرمپ انتخابي کمپاېن وايي، چې ښاغلی ټرمپ په سر ژوبل شوی خو نور روغ دی.
نوموړي د امریکا پینسلوینیا ایالت کې انتخابي جلسې ته وینا کوله چې د هغه په لور ډزې پېل شوې. د هغه انتخابي ډله وايي، د ښاغلي ټرمپ علاج په یو ځايي طبي / صحي مرکز کې شوی.
د ټرمپ د انتخابي کمپاېن ویاند سټیون چیونګ په یو بیان کې ویلي، صدر ټرمپ دې مجرمانه فعل ته د قانون ساتونکو سملاسي ځواب ورکولو لپاره مننه کړې.
د دې نه وړاندې چې صدر ټرمپ د خپل مخ یو اړخ ته لاس وغځوو او بیا کښیناستو، نو ناستو خلکو د یو ډول وسلې لخوا یو شمېر ډزې اوریدلي.
