آي ایم ایف د پاکستان د حکومت د بجلۍ د بیې کمولو پلان رد کړی

نړیوالې مالیاتي ادارې (آي ایم ایف) د پاکستان د حکومت له لوري د بجلۍ بیه کې د ستر کمي پلان رد کړی اؤ د اقلیمي بدلون په اړه د یو ارب ډالرو ورکولو لپاره یې هم ورته نوی شرط اېښی دی.

د ډان نیوز د آي ایم ایف اؤ پاکستان تر منځ د پالیسۍ د کچې مذاکرات دوامداره دي اؤ په دې خبرو اترو کې پاکستان آي ایم ایف ته ویلي چې حکومت غواړي د بجلۍ د یو یونټ بیا د اتوؤ نه نیولې تر لسو روپو کمه کړي.

ډان د سرچینو له خولې ویلي چې نړیوالې مالیاتي ادارې د پاکستان دغه وړاندیز رد کړی اؤ اؤ ویلي یې دي چې دا مالیاتي اداره په هر قیمت غواړي باید پاکستان د کیپټو پاور پلانټ لپاره د ګیس بیه ۲۳ فیصدي لوړه کړي.

کیپټو پاور پلانټ د بجلۍ د تولید یا پیدا وار هغه پلانټ یا فابریکه وي چې د سترو کاروباري ادارو اؤ کارخانو لپاره بجلي جوړوي اؤ دغه بجلي ملي ګرډ ته نه ورکول کیږي.

سرچینې وایي چې د آي ایم ایف په وینا پاکستان د کیپټو پاور پلانټ لپاره په ګیس مالیا یا لیوي هم لګولې ده.

نړیوالې مالیاتي ادارې سره د پالیسۍ مذاکراتو په مهال د کیپټو پاور پلانټ لپاره د ګیس د بیې لوړولو اعلامیه هم جاري کړل شوې ده چې له مخې یې د ګیس بیه د یو ایم ایم بي ټي یو پسر ۴ زره اؤ ۲۹۱ روپو ته رسول شوې ده.

سرچینې وایي مذاکراتو کې آي ایم ایف پاکستان ته د اقلیمي بدلون د مقابلې لپاره د یو ارب ډالرو ورکولو لپاره خپل شرط هم اېښی اؤ ورته یې ویلي دي چې دې لپاره به حکومت ته کاربن لیوي لګول وي.

که د پاکستان حکومت کاربن لیوي پځای کړي نو له مخې به یې هغه فابریکې، شرکتونه، یا خلک چې ډېر کاربن ګېسونه خارجوي، اړ وي چې حکومت ته اضافي پیسې د مالیې په شکل کې ورکړي.

سرچینې وایي چې د کاربن لیوي پځای کولو شرط د پټرولیم مصنوعاتو پسر اېښودل شوی دی اؤ نن د زیارت په ورځ کېدونکې ناسته کې به پرې بیا هم خبرې وشي.

پاکستان ته د اقلیمي بدلون نه پېښ ګواښونه :

پاکستان د اقلیمي بدلون له جدي خطرونو سره مخ دی، او نړیوال راپورونه دا هېواد د نړۍ تر زیاتو زیانمنو لسو هېوادونو کې شمیر ګڼي.

که څه هم پاکستان د اقلیمي بدلون د مقابلې لپاره ځینې اقدامات کړي، خو څېړونکي وایي چې اقتصادي کمزوري، کمزوری ادارتي جوړښت، او د چاپېریال ساتنې غیرمؤثر قوانین د دې هڅو خنډ مخې ته خنډ جوړیږي.

د څېړونکو په وینا پاکستان کې د عمران خان په تېر حکومت کې پيل شوې د "بلین ټري سونامي" پروژه د ځنګلونو زرغونولو لپاره یو مهم ګام ؤ خو صنعتي سیمو کې د کاربن اخراج کنټرولول، د ښارونو تنظیم، او د پاکې انرژۍ د متبادل موندلو په برخه کې لا هم پوره اقدامات نه دي شوي.

څېړونکي فکر کوي که د اقلیمي بدلون د بدو اغېزو د مخنیوي لپاره جدي ګامونه وا نه خیستل شي، نو راتلونکي کلونه به پاکستان ته نور هم سخت وي. وچکالۍ به د کرنې سکتور ته شدید زیان ورسوي، د اوبو کمښت به خوراکي امنیت ته خطر جوړ کړي، او ناڅاپي موسمي بدلونونه به د خلکو ژوند ته نیغ په نېغه زیانونه ورسوي.