که څه هم د خیبرپښتونخوا حکومت وايي صحت د خیرښیگړې په نظام کې يي اصلاحاتو د لارې په دې مد کې ښه والی راوستی دی خو د حکومت خپلې شمار شمیرې وايي د سږ کال په وړمبو دریو میاشتو کې نوي پیدا شوو ماشومانو په مرگونو کې اضافه شوي ده.
د صوبايي حکومت د ضلعي معلوماتو نظام وايي د سږ کال په وړمیو دریو میاشتو کې د نوي پیدا شوو ماشومانو د مړیني شرح د ٢١ فیصد نه زیاته شوي او ٣٢ فیصد ته رسیدلې ده.
هم دغه رنگ د سږ کال په وړمبو دریو میاشتو کې په خیبر پښتونخوا کې ٢٠٨ میندو د ماشومانو د زیږولو په وخت ژودن دلاسه ورکړو. تر ټولو زیاته شمیره، ٣٠، په پیښور کې وه.
د میندو او ماشومانو د صحت ماهر ډاکټر عبدالوهاب وايي په کم عمرۍ کې د میندو ودونه، میندو او د ماشومانو کمزوری خوراک او د ماشومانو غیرمناسب پالنه هغه وجوهات دي چې د میندو او د ماشومانو د بې وخت مرگونو سبب جوړیږي.
په دې اړه نور تفصیل مردان کې د وي او ای ډیوه خبریال ریاض حسین په رپورټ کې اوریدی شئ:
