د خېبر پښتونخوا حکومت د دیني مدرسو د رجسټریشن یا نوم لیکنې، نصاب، امتحانونو او د مدرسو سره تړلو د نورو چارو د څارنې دنده د صوبې تعلیم محکمې ته د سپارلو فېصله کړې ده.
د صوبې د تعلیم څانگې یو لوړ رتبه چارواکې خالد خان د شورو، چارشنبې، په ورځ وي او ای ډیوه ته وویل د دیني مدرسو د نگرانۍ دپاره د خېبرپښتونخوا حکومت د کال ١٩٨٥ م په ضوابطو کې ترمیم کړی دی.
د دیني مدرسو په نصاب کې د اصلاحاتو بحث په امریکا کې د ناین الیون حملو ورسته شروع شوی دی.
په پاکستان کې د پخواني صدر پرویز مشرف په وخت کې په دیني مدرسو کې د اصلاتو او په نصاب کې یې د جدت راوستلو خبره شروع شوه.
د تعلیم ماهرین وايي د دیني مدرسو نصاف ډیر پخوانی دی، د عصري علومو تقاضې نه پوره کوي او د مدرسو تعلیم یافته خلک یوازې د جومات امام خو جوړیدی شي خو د عصري دور نور څه کار روزگار نشي کولی.
څیړونکي دا هم وايي چې د مدرسو د نصاب دلاسه د مختلف مکتبه فکر ترمنځ اختلافات نور هم زیاتیږي او په اکثرو موقعو د مدرسو د مالي وسایلو سرچینې نه وي معلومې.
په مدرسو د صوبايي حکومت د څارنې په اړه د خېبر پښتونخوا د تعلیم څانکې سېکریټري خالد خان وویل دا اقدام لا په ابتدايي پړاؤ کې دی او په دې اړه به د مدرسو منتظیمنو سره هم خبرې کولی شي. هغه وویل لا دا نیټه هم نه ده ټاکل شوي چې په اقدام به عملي اقدامات د کلنه نه پیل کیږي.
په خېبر پښتونخوا کې د وفاق المدارس العربیه مهتمم حسین احمد د حکومتي اقدام په اړه د تبصرې په غوښتنه وي او ای ډیوه ته وویل په دې پړاو لا څه تبصره نشي کولی.
په دې اړه نور تفصیل پېښور نه د وي او ای ډیوه خبریال حمیدالله رپورټ کې اوریدی شئ
