د اېټمي وسلو د له منځه وړلو نړیوال کمپاین یا آیکان ته د کال ۲۰۱۷مد سولې نوبل جایزه ورکړل شوه.
د ناروې د نوبل کمېټۍ مشرې بیریت ریس انډرسن ددغې جایزې د اعلانولو پرمهال وویل٫٫ مونږ پداسې یوې نړۍ کې ژوند کوو چې د اېټميوسلو د کارولو خطر پکې تر پخوا ډیر شویدی.٬٬
د سولې په ډګر کې د نوبل جایزې د اعلانولو خبر پداسې حال کې وشو چې د امریکا ولسمشر ډانلډ ټرمپ ایران او شمالي کوریا ته د هغوي د اتومي وړتیاوو په اړه ګواښونه وکړل.
داسې ښکاري چې د امریکا ولسمشر به له ایران سره په اېټمي برخه کې د امریکا لخوا لاسلیک شوی تړون بیرته لغوه کړي ځکه ده تر ټولو بد تړون ګڼلی.
ټرمپ همدارنګه پدې وروستیو کې د ملګرو ملتونو عمومي غونډې ته د خبرو پرمهال وویل چې، که مجبور شي نو شمالي کوریا به د خپل اېټميپروګرام له امله په بشپړه توګه ویجاړه کړي.
د اېټمي وسلو د له منځه وړلو نړیوال کامپاین (آیکان) په خپلې فیسبوک پاڼه باندې په خپور کړي بیان کې ویلي دي ٫٫ دا مهال نړیوال تاوتریخوالی زیات شوی او د اېټميګواښونو ویره هم ورسره زیاته شویده. همدا یې وخت دی چې هېوادونه له اټومی وسلو سره مخالفت څرګند کړي.٬٬
د نوبل کمېټۍ په خپل بیان کې ویلي آیکان ته ځکه دغه جایزه ورکړل شوه چې دوي هڅه کوي د اېټميوسلو د ممکنه استعمال د ویجاړیو ته د خلکو پام واړوي او په زغرده کار کوي چې ددغو وسلو د کارولو د مخنیوي لپاره یو شمېر نړیوال تړونونه عملي کړي.
آیکان د غیر حکومتي ادارو یو ایتلاف دی چې د نړۍ په سلو هېوادونو کې د اېټميوسلو د بندیز په برخه کې د ملګروملتونو لخوا د وړاندې شوي تړون د عملي کېدو په برخه کې کار کوي.
د اېټميوسلو د نه خپراوي دغه تړون د ۲۰۱۷ کال په جولای میاشت کې په نیویارک بیا تازه شو خو په دغه تړون کې د اېټميوسلو لونکي هېوادونه لکه امریکا، روس، چین، برتانیه او فرانس نه دي شامل.
