لاس رسیدونکی لینک

 
د پاکستان پوځ کرک کې په پوځي عملیاتو کې د شپږو ترهګرو د وژلو دعوه کړې
تازه خبر

د پاکستان پوځ کرک کې په پوځي عملیاتو کې د شپږو ترهګرو د وژلو دعوه کړې



پوځ پخپل لنډ بیان کې د وژل شوؤ ترهګرو نوره پېژندګلو نه ده ښکاره کړې اؤ نه یې دا ویلي دي چې دا عملیات د کرک په کومه سیمه کې ترسره شوي دي
پوځ پخپل لنډ بیان کې د وژل شوؤ ترهګرو نوره پېژندګلو نه ده ښکاره کړې اؤ نه یې دا ویلي دي چې دا عملیات د کرک په کومه سیمه کې ترسره شوي دي

د پاکستان پوځ وایي امنیتي ځواکونو د خېبر پښتونخوا په کرک سیمه کې د ترهګرو پرضد عملیات کړي چې پکې شپږ وسله وال وژل شوي دي.

د جمعې په ورځ د پوځ مطبوعاتي څانګې آي ایس پي ار ویلي په ۲۱مه فرورۍ دا عملیات کرک کې د خفیه اطلاعاتو په اساس ترسره شوي دي.

پوځ وایي عملیاتو کې د ترهګرو ټیکانه په نخښه کړل شوې چې پکې شپږ ترهګر وژل شوي دي.

پوځ پخپل لنډ بیان کې د وژل شوؤ ترهګرو نوره پېژندګلو نه ده ښکاره کړې اؤ نه یې دا ویلي دي چې دا عملیات د کرک په کومه سیمه کې ترسره شوي دي.

تر دې وړاندې د پاکستان پوځ په ۱۸مه فرورۍ دعوه کړې وه چې امنیتي ځواکونو د خېبر پښتونخوا په ناکراره قبایلي ضلعه جنوبي وزیرستان کې د ترهګرو په ضد عملیات کړي چې پکې ۳۰ وسله وال وژل شوي دي.

پوځ ویلي وؤ دغه عملیات یې په سراروغه سیمه کې کړي دي،

د ايي اېس پي ار په بیان کې دا نه وؤ ویل شوي چې ایا په دغه نښته کې امنیتي ځواکونو ته هم څه ځاني نقصان رسېدلی دی او که نا؟

د پاکستان پوځ او وسله وال وخت په وخت یو بل ته د نقصان رسوولو خبرونه ورکوي خو د مطبوعاتو دپاره ممکنه نه وي چې په ازاده توګه یې د کره والي تصدیق وکړي ځکه چې په کومو سیمو کې پوځ عملیات کوي هلته خبریالان د ورتګ اجازه نه لري.

د ټي ټي پي وسله وال وخت په وخت په پاکستان او په خصوصي توګه په خېبرپښتونخوا کې په امنیتي ځواکونو د ترسره کېدونکو بریدونو ذمه واري پغاړه اخلي.

د خالي، شنبې، په شپه، په کوز جنوبي وزیرستان کې په شکۍ پولیس تاڼه وسله والو ډله ییز یرید کړی ؤ چې د پولیسو په قول دغه برید کې ورته مرګ ژوبله اوښتې وه.

د دې نه وړاندې په شمالي وزیرستان او ډېره اسماعیل خان ضلعو کې د امنیتي ځواکونو او وسلوالو تر منځ خونړۍ نښتې رپورت شوې وې چې پکې د یو افسر په ګډون څلور پوځیان وژل شوي وؤ.

امینتي ځواکونو په دې نښتو کې د وسله والو د ډیره اسماعیل خان سیمې د کمانډر په ګډون د ۱۳ وسلوالو طالبانو د وژلو دعوه هم کړې وه.

Forum

هېلو وي او اې په ټي وي

هېلو وي او اې په ټي وي
please wait
  • Auto
  • 240p
  • 360p
  • 480p
  • 720p
  • 1080p

No media source currently available

0:00 59:57 0:00
  • Auto
  • 240p
  • 360p
  • 480p
  • 720p
  • 1080p

بي بي شیرینه

بي بي شیرینه – په ټیلې ویژن
please wait
  • Auto
  • 240p
  • 360p
  • 480p
  • 720p
  • 1080p

No media source currently available

0:00 1:59:58 0:00
  • Auto
  • 240p
  • 360p
  • 480p
  • 720p
  • 1080p

Recommended

XS
SM
MD
LG