د پاکستان حکومت په قامي بجټ کې بدلون کول غواړي او پوهان وايي د دې سره به په ملک کې ګراني زياته شي او دا به د تحریک انصاف د حکومت د ټېکسونو د جال پراخه کولو وعدې څرگندې کړي.
تحریک انصاف ویلي وو د ټیکسونو هدف د ۴۰۰۰ ارب روپو نه ۸۰۰۰ ارب روپو ته رسوی.
په بجټ کې د حکومت د مجوزه ترمیم په اړه اقتصاد پوهه مهتاب حېدر وي او ای ډیوه ته وویل حکومت د ګڼ شمېر اقتصادي ستونزو سره مامخ دی، چې پکې د کرنټ اکاؤنټ خساره او بجټ خسارې شامل دي.
د نوموړي په وېنا تېر کال د قامي بجټ خساره ۴.۳ فيصده ښودلې شوې وه خو اوس د بجټ دغه خساره ۶.۶ فيصد ده. مهتباحېدر وویل حکومت ته پکار دي چې د ټېکسونو د زياتوالو پرځای دې د ټېکسونو جال پراخه کړي چې دا رنگ د ټېکس ادا کونکو شمېره زیاته شي.
د انګرېزۍ ژبې ورځپاڼه ایکسپرس ټريبيون د خزانې د وزير اسدعمر له قوله ليکلي چې په بجټ کې د ترمبم قانون د پارلیمنټ نه د منظورولو ورسته به یې عملي کړي.
مطبوعات وايي مرکزي حکومت د قامي بجټ د ترقیاتی پنګو نه ۴٠٠ ارب روپۍ راکمول غواړي او د ۴٠٠ اربه روپو کسټم ډيوټي او په درامداتو یا وارداتو رېګولېټري ډیوټي هم زياتول غواړي.
د بجلۍ قيمت د يو يونټ په سر ۴.۴۱ روپۍ سېوا کړی او د انکم ټېکس د کال شرح د ۱۲ لاکه نه اته لاکه ته راکموي.
مهتاب حېدر وايي په زرګونو داسې څيزونه دي چې که چېرې حکومت پرې یوازې يو فيصد کسټم ډيوټي هم سېوا کړي نو د دې سره به د شیانو بیې لوړې شي او د خام مال د قيمتونو د زیاتوالي سره به په ملکي کچه د جوړېدونکو څيزونو خرچې به سېوا شي او اثر به یې په عامو وګړي وغورځیږي.
مرکزي حکومت وايي چې تېر حکومت د انکم ټېکس شرح ۱۲ لاکو ته سالانه راکوزه کړې ده چې له کبله يې حکومت ته د ۷۵ اربه روپو تاوان اوړولی دی.
د مطبوعاتو ترمخه حکومت غواړي چې په ملکي کچه د ګورنرانو او وزيرانو او ججانو نه علاوه د سرکاري افسرانو مراعات هم راکم کړي.
