د پاکستان پارلیماني غړو هغه مجوزه قانوني بدلون رد کړی چې ترمخه یې یو غیرمسلمان پاکستانی تن هم د پاکستان صدر او یا وزیراعظم جوړیدی شي.
د پاکستان اوسني قانون لاندې یواځې یو مسلمان تن د هیواد د وزیراعظم او صدر په هیڅ ټاکل کیدلی شي.
د پاکستان د پارلیماني چارو مرکزي وزیرعلي محمد خان د عیساي اقلیتي ډلې سره تعلق لرونکي د پارلیمان غړي نوید عامر جیون لخوا وړاندې کړي دغه قانوني بدلون مخالفت کړی.
نوید عامر جیون وي او ای ډیوه ته ویلي هغه د شورو یا چهار شنبې په ورځ تجویز شوی قانوني بدلون پارلیمان ته وړاندې کړی وو خو د واکمن تحریک انصاف د پارلیماني چارو وزیرعلي محمد خان په دې وجه باندې د بحث نه وړاندې رد کړو چې پاکستان یو مسلمان اکثریتي هیواد دی او دا چې یواځې مسلمان تن د هیواد په دغه دوه لویو څوکیو باندې کیناستی شي.
د پاکستان په پارلیمان کې د تحریک انصاف ګوند یو عیساي اقلیتي غړي جمشېد تهامس وي او ای ډیوه ته ویلي دا به د نړۍ په نظر کې د پاکستان تصویر ښه کړي که چرې یو غیر مسلمان تن ته هم د هیواد وزیراعظم او یا صدر جوړیدو اختیار ورکړی شي.
د پاکستان د آیین ترمخه یواځې یو مسلمان صدر او یا وزیراعظم جوړېدی شي. د پاکستان آیین لاندې احمديان غیرمسلمه ګرځول شوي خو احمدیان ځان ته مسلمانان وايي. د پاکستان په لویو حکومتي څوکیو باندې اکثر د هغوي د ټاکنې سخت مخالفت کیږي.
