په پایه تخت اسلام اباد کې د پښتون لاریون یو ځلمی مشر منظور پښتون وايي دويي د پاکستان په ریاست پسې په ننواتې تلي دي.
" ددې پرلت گډون وال ریاست ته منت کوي او ورپسې ننواتي راغلي دي چې ځمونږ غوښتنې اومني"
د فرورۍ د لومړۍ نیټې نه د اسلام اباد د پریس کلب مخې ته په پرلت ناست پښتانه وايي دويي د ریاست نه پينځه غوښتنې کوي.
١ د نقيب الله مسید قاتل دې ونیول شي او محاکمه دې کړې شي
٢ د عدالتونو د فیصلو بغیر دې ادارې قتلونه کول بند کړي
٣ بې درکه کړې شوي کسان دې عدالتونو ته وړاندې کړې شي
۴ په فاټا کې دې د بدو پېښو د کیدلو څخه ورستو کرفیو (گرځ بندیز) نه لگول کیږي
٥ په فاټا کې دې ځمکني ماینونه (ښخ کړي بمونه) صفا کړې شي
منظور پښتون ډیوه ریډیو ته وویل د لاریوند گډون والو لخوا د شریکو غوښتنو په اسلام اباد کې څو ورځې وشوې خو تر اوسه ورته کومې ادارې د قبلولو پېغام ور نه کړو.
"پرون یو وزير راغلی وو مونږ سره یې ولیدل او بیرته لاړو"
په پایه تخت کې د سوونو په شمېره کې راغونډو شوو پښتنو مشرانو سپيناوی کړی دی دويي نه خو دکوم سیاسي گوند په وینا او نه د ریاست په ضد تحريک شورو کړی دی. منظور پښتون وايي:
" خدای ته وکسئ مونږ نه ده د فوج خلاف مورچه جوړه کړې، که یو پوځي ظلم کوي نو دهغه خلاف دې کاروايي اوشي"
هغه د کوم ځانگړې پوځي نوم وا نخستلو خو ویې ویل د یو پوځي خلاف که کاروايي وشوه نو د اولس او پوځ په منځ کې به مينه سوا شي.
په کراچۍ کې د وزيرستان ٢٧ کلن ځلمي نقيب الله مسید د پولیسو په یوه نقلي مقابله کې وژل شوې وو.
د نقيب په قتل تورن افسر راو انوار اشتهاري گرځول شوی دی. په پولیس افسر ځيني ټولڼیزو فعالينو تور پورې کړی دی د هغه په شا د پاکستان د پوځ لاس دی.
راؤ انوار په پخپله یوه مرکه کې ويلي وو هغه په کراچۍ کې بې گناه خلق نه بلکې په ترهگرۍ کې ککړ خلق وژني.
د مسید د قتل په ضد پښتون لاریون په ٢٦ مه جنورۍ د وزيرستان څخه شورو شوې وو. ځيني ټولڼیز فعالين وايي دې لاریون ته د پاکستان مطبوعات او نشریات وخت نه ورکوي. ښاغلی پښتون وايي:
"که میډیا کوریج راکوي او که نا مونږ به خپل کار کوو"
