لاس رسیدونکی لینک

 
پوپ فرانسس د ساه اخیستو له مشکل وروسته په ارام شوی
تازه خبر

پوپ فرانسس د ساه اخیستو له مشکل وروسته په ارام شوی


وېټیکن چارواکو د خالي یا شنبې په ورځ ویلي چې پوپ فرانسس د جمعې په ورځ د ساه اخیستو د تکلیف وروسته په سکون شوی او ارم کوي.

وېټیکن په یو بیان کې ویلي، "پوپ بیګا شپه په سکون تیره کړه او آرام کوي."

ښاغلی فرانسس د جمعې په ورځ په روم کې د جیمیلي روغتون کې، چې هلته یې دوه اونۍ تېرې کړې، په ساه اخیستو کې له ستونزې سره مخ شوې و.

د وېټیکن د معلوماتو له مخې، یوه جلا د ساه اخیستو پیښې له امله ۸۸ کلن پوپ د سختۍ سره مخ شوې و .

فرانسس د دې پېښې وروسته د بیرته روغېدو اړینو اقداماتو سره همکاري کړې.

د جمعې په ورځ د سختیدو خبر یې تر درې ورځو د روغتیا د ښه کېدو د راپورونو وروسته راغی.

وېټیکن همدارنګه خپور کړي خبر کې وویلي، چې پاپ به د راتلونکې اونۍ د ایش چهارشنبې مراسم نه ترسره کوي، کوم چې د ایسټر تر یکشنبې پورې د ایسټر پیل ښيي. او په ځای به یې د وېټیکن یو بل لوړپوړی چارواکی دا مراسم پر مخ یوسي.

ډاکټرانو د زیارت/پنجشنبې په ورځ وویل چې د فرانسس وس هم د سختو تدابیرو لاندې دی، لاهم له احتیاط سره یي سخته طبعي څارنه روانه ده، چې ښيي دوی فکر نه کوي چې هغه له خطره وتلی دی.

فرانسس د زیارت/پنجشنبې په ورځ د ساه اخیستو ځانګړې درملنه شوې، بیا یې د جیمیلي روغتون په خپل شخصي کمره کې د عبادت ځای ته لاړو، چیرې چې یې لمونځ وکړ او د عیسوي عبادت یو مقدس رسم ایوچاړسټ یې تر سره کړو. له دې وروسته، پاپ د وېټیکن رسمي کارونه هم سرته ورسول.

د وینې په ځینو معایناتو کې د هغه "د پښتورګو د خرابېدو لومړۍ او نرمې" نخښې ښکاره شوې دي، خو ډاکټرانو وویل چې دا حالت یې تر کنټرول لاندې دی.

د فرانسیس ډاکټرانو د هغه د وروستیو معایناتو په نتیجه کې وویل، "د کلینیکي تصویر پېچلتیا او د دوایي علاج ته ضروري انتظار چې یو څه د ده حالت را ښیي، دا ښکاره کوي چې تشخیص یې محفوظ دی."

ځینې عیسایان چې د وېټیکن کې يې د پوپ د لیدو هیله لرله، اوس خپل پلانونه بدل کړي او د روغتون مخې ته دعاګانې کوي، چې پوپ بشپړ روغ شي.

د پوپ د ناروغۍ اوریدو وروسته نړۍ په بیلابیلو برخو، لکه وېټیکن ښار او د هغه په اصلي هېواد ارجنټاین کې، د دعاګانو غونډې شوي دي.

فرانسس په ۲۰۱۳ کال کې د پوپ په توګه وټاکل شو، وروسته له دې چې د هغه مخکینی پوپ، بینډیکټ شپاړسم، استعفا ورکړه.

پوپ فرانسس دا وخت 88 کلن دی او له 2013م کال راهیسې د نړۍ د څه باندې یو ارب او درې سوه میلینه کېتولیک عیسایانو مذهبي‌ مشر دی چې د ډېر زیات سفارتي، کلتوري او مذهبي اغېز په خاطر د نړۍ په ډېرو ځواکمنو شخصیتونو کې ګڼل کیږي.

(د دې راپور ځینې معلومات د اسوشیېټېډ پرېس، فرانس پرېس او رویټرز خبري آژانسونو څخه اخیستل شوي دي.)

Forum

هېلو وي او اې په ټي وي

هېلو وي او اې په ټي وي
please wait
  • Auto
  • 240p
  • 360p
  • 480p
  • 720p
  • 1080p

No media source currently available

0:00 0:59:57 0:00
  • Auto
  • 240p
  • 360p
  • 480p
  • 720p
  • 1080p

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:57 0:00

Recommended

XS
SM
MD
LG