پولیس: په بلوچستان کې وسله والو درې سندهي نایان وژلي

په بلوچستان کې پولیس د ګل، دوشنبې، په ورځ وویل وسله په مستونګ کې د والو په حمله کې درې سندهي نایان وژل شوي دي.

پولیس وویل حمله کوونکي د اتوار، يکشنبې، په ماښام په مستونک کې د نایانو دوکان ته ورغلل او ډزې يې وکړي.

په مستونګ کې پولیس افسر محمد زېد ای اېف پي خبري ادارې ته وویل وژل شوی کسان سندیان وو.

د حملې ذمه واري چا په غاړه نه ده اخیستې خو ای اېف پي وايي بلوچستان لېرېشن ارمي نومې ډله په بلوچستان کې ډېره فعاله ده او الزام لګوي چې بهرنیان د صوبې د وسایلو استحصال کوي. پاکستان او امریکې بي اېل ای ترهګر تنظیم ټاکلی دی.

ای اېف پي وايي په بلوچستان کې د نورو سیمو نه په ورغلیو خوایکښو حملې زیاتې شوي دي. وسله وال په بلوچستان کې د نورو صوبو په نایانو پوځ ته د مخبرۍ الزام هم لګوي.

د فېبرورۍ په میاشت کې وسله والو پنجاب اووه خواریکښ د یو بس نه راکوز کړل او چې شناخت يې وکړو چې د پنجاب دي نو ويې وژل.

د تېر کال د اپرېل په میاشت کې په نوشکي کې د بس نه تښتول شوي د پنجاب ۱۱ خواريکښ ووژل شوو او د می په میاشت کې د پنجاب شپږ نایان (حجامان) ووژل شوو.

هم د اتوار، يکشنبې، په ورځ په بلوچستان کې په جدا حمله کې پولیس وویل په بولان سیمه کې د ډزو په تبادله کې د پاکستان د پوځ دوه عسکر ووژل شوو او یو زخمي شو.

پوځ په سیمه کې د وسله والو د موجودګي په اطلاع اپرېشن شروع کړی و چې د وسله والو سره يې جګړه شروع شوه چې څلور ګنټې جاري وه.

بلخوا، د خېبرپښتونخوا په کوهاټ سیمه کې د ترهګرۍ ضد د پولیس د څانګې دوه اهلکار ووژل شوو.

په تېرو څو کلونو کې دپاکستان په هغه سیمو کې تشدد زیات شوي چې د افغانستان سره په سرحد پرتې دي.