لاس رسیدونکی لینک

تازه خبر

د تورخم دروازه په درېيمه ورځ هم تړلې پرته ده


د افغانستان او پاکستان ترمنځ د سوداګرۍ غټه لاره تورخم په درېيمه ورځ هم تړلې پرته ده. سوداګر وايي، دا مسله د دوی د وسه وتلې خبره ده، دواړه طرفته بهانې جوړوي او د تورخم د بنديز له امله د تاوان هډ سر نه دی معلوم، وخت په وخت لارې بنديږي، او تاوانونه کيږي.

د تورخم دروازه د جمعې د شپې راهسې تړلې پرته ده.

د تورخم د سرحدي دروازې بندېدو په اړه تر اوسه هیڅ رسمي اعلامیه نه ده خپره شوې.

خو په پوله پاکستان لوري ته يو چارواکي د نوم نه ښکاره کولو په شرط وي او اې ډیوه ته ويلي، د کرښې په پورې غاړه واکمنو طالبانو يوه ودانۍ کوله، پاکستاني چارواکو منعه کړي او د هغې په سر بيا دروازه بنده کړل شوې ده.

پرون د طالبانو د کنټرول لاندې باختر خبري ادارې ويلي، د طالبانو د تورخم کميسار عبدالجبار حکمت په خلکو غږ کړی، تر بلې خبرتیا پورې دې له سفر کولو ډډه وکړي.

د پاکستان او افغانستان د ګډ چېمبر شريک مشر خان جان الکوزی وايي، په عادي خبره تورخم بند شي، دا مسله د تجارو د وسه وتلې ده.

وي او اې ډيوه سره خبرو کې هغه وویل، په افغانستان کې چې د واکمنو طالبانو نه پوښتنه کوي نو هغه ورته وايي چې د پاکستان لوري کومه اطلاع نه ده ورکړې او دروازه یې تړلې ده.

هغه زياته کړه، د تورخم دروازې تړل کېدو له امله دواړو خواو ته په زرګونو موټرې ولاړې پاتې دي، د تاوان هډو څه کچه نشته، بدبختي ده.

هغه وويل، طالبان وايي د پاکستان سره خبرې کوي خو هيڅ درک نشته.

پېښور کې د سرحد چېمبر پخوانی مشر او پاکستان افغانستان ګډ چېمبر ډايريکټر زاهد الله شينواری وايي، په معمولي اختلاف، چې هر څه خبره راشي دوی دروازه بنده کړي.

هغه وويل، دا وخت په تورخم تر ټولو زيات څيزونه د خېبرپښتونخوا او پاکستان د لوري افغانستان ته روان دي، مېوې، د څارو او چرګانو خوراکونه او نور ډېر څيزونه چې افغانستان ته ځي هغه واپس شو، تجار ترې اغېزمن شو او پاکستان ته یې هم تاوان رسي.

د نوموړي په خبره، په وړو وړو خبرو پولې نه بندیږي خو په تورخم اکثره داسې کيږي.

هغه وويل، د خېبرپښتونخوا د خلکو سره نور هیڅ کاروبار نشته، یواځې د تورخم او افغانستان د لارې تجارت ورسره دی، نو هغه چې ترې هم واخستل شي، صوبه کې هسې هم صنعتونه بند شو، نور په دې صوبه کې څه دي.

نوموړي زياته کړه، د پولې په بندیز دواړه ولسونه خفه کيږي، تعلقات خرابيږي، د دروازې بندېدو په ځای خبرې ولې نه کيږي سفارتي اړیکې ولې نه ساتل کيږي؟، چې په معمولي خبره دروازه وتړل شي.

دا په روان 2025م کال کې لومړی ځل دی چې د تورخم لار د هرډول تګ راتګ پرمخ تړل کیږي، تیرکال دا دروازه څو ځلې د ورته ستونزو او د سرحد په اوږدو کې د دواړو خواو ترمنځ د نښتو له امله تړل شوې وه.

د دواړو هيوادونو سوداګر وايي، تجارت او سياست دې د يو بل څخه لرې وساتل شي، د پولو او تجارت بنديزونه نه يواځې تجار، په سوداګرۍ کې ښکېل نور خلک بلکې دواړو هيوادونو په حکومتي کچه اقتصاد ته هم تاوان اړوي.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

Forum

هېلو وي او اې په ټي وي

هېلو وي او اې په ټي وي
please wait
  • Auto
  • 240p
  • 360p
  • 480p
  • 720p
  • 1080p

No media source currently available

0:00 59:57 0:00
  • Auto
  • 240p
  • 360p
  • 480p
  • 720p
  • 1080p

بي بي شیرینه

بي بي شیرینه – په ټیلې ویژن
please wait
  • Auto
  • 240p
  • 360p
  • 480p
  • 720p
  • 1080p

No media source currently available

0:00 1:59:58 0:00
  • Auto
  • 240p
  • 360p
  • 480p
  • 720p
  • 1080p

Recommended

XS
SM
MD
LG