د پاکستان تحریک انصاف مرکزي حکومت د تندروه مذهبي ډلې تحريک لبيک پاکستان د مشرانو پرضد د بغاوت او ترهګرۍ تورونو لاندې د قضیو درج کولو اعلان کړی.
اسلام اباد کې د خالي یا شنبې په ماښام یو خبري کانفرنس ته د وینا په وخت د پاکستان د اطلاعاتو مرکزي وزير چوهدري فواد حسين ویلي، حکومت د تحريک لبيک پاکستان د مشر خادم حيسن رضوي، مرستيال مشر پير افضل قادري، عنايت الحق شاه او فاروق الحسن پرضد د قانوني عمل پيلولو پريکړه کړې ده.
نوموړي ویلي د تحريک مشر خادم حسين رضوي، پير افضل قادري، عنايت الحق شاه او د حافظ فاروق الحسن پرضد د لاهور، ګوجرات او د راولپنډۍ ښارونو په تاڼو کې د بغاوت او د ترهګرۍ د تورونو لاندې قضیې درج کړې شوي.
د تحريک لبيک پاکستان مشر خادم حسين رضوي د تېرې میاشتې (اکتوبر) په ٢٣مه نيټه د امنیت ساتونکو ادارو لخوا په حفاظتي ولقه کې اخستل شوې وو کله چې حکومت د ګوند پرضد پراخه عمليات پيل کړل.
د پاکستان د اطلاعاتو مرکزي وزير په وينا د پنجاب صوبې نه د ټي ايل پي ٢٨٩٩، د سرښار اسلام اباد څخه ١٢٦ او د سند صوبې نه د ګوند ١٣٩ فعالين نيول شوي دي. مرکزي وزیر زیاته کړې د ګوند کوم غړي چې په مظاهرو کې نيغ په نيغه ککړ نه وي هغه به په ضمانت خوشي کولی شي.
فواد حسين ویلي د دغه مشرانو پرضد به د ترهګرۍ په ځانګړي عدالتونو کې قضيې چلولی شي او که په دوي لږيدلي تورونو ثابت شول نو هغوي ته د عمري بند سزا هم کيدی شي.
د ټي ايل پي مشر خادم حسين رضوي تيره مياشت د سترې محکمې لخوا د مذهب د سپکاوي په مقدمه کې د مرګ په سزا تورنې ميرمنې اسيه بي بي د خوشې کولو د پريکړې ورستو د ججانو د وژلو او د پاکستان د پوځ مشر پرضد د بغاوت غږ کړې وو.
تیره ورځ د قامي اسمبلۍ د دوو غړو او د پي ټي ايم د مشرانو د پيښور په باچا خان ايرپورټ د د ودرولو په اړه د یوې پوښتنې به ځواب کې د اطلاعاتو مرکزي وزیر ویلي د محسن داوړ او علي وزیر پرضد په صوابۍ کې مقدمې درج دي نو ځکه يې نامې په اي سي ايل اچول شوي.
