د امریکې صدر ډانلډ ټرمپ ویلي د یوکرېن او د روس ترمنځ د ممکنه ډزبندۍ په اړه خبرو اترو دپاره مرکچیان روس ته روس شوي دي. یوکرېن د ۳۰ ورځو د ډزبندۍ په اړه د امریکې تجویز سره متفق شوی دی.
ټرمپ د شورو، چهارشنبې، په ورځ د وايټ هاوس په اوول افس نومې خپل دفتر کې خبریالانو ته وویل دا اوس چې "مونږ خبرو کوو" روس ته "خلک روان شوي دي" او امید دی چې "د روس نه ډز بندي ترلاسه کولی شوو."
دا چې یوکرېن د ۳۰ ورځو د ډزبندۍ په اړه د امریکې تجویز سره متفق شوی، دا اعلان د نهې، سه شنبې، په ورځ په سعودي عرب کې د امریکې او د یوکرېني چارواکو د خبرو اترو وروسته په مشترکه اعلامیه کې وشو.
د یوکرېن د اقدام په بدل کې به امریکا یوکرېن سره په پوځي او استخباراتي امداد قدغنونه لرې کړي.
د اعلاميي ترمخه، امریکا او یوکرېن په دې خبره هم متفق شول د یوکرېن نایابو معدنیاتو ته د امریکې د لاس رسي په اړه به دواړه ملکونه زر تر زره معاهده هم لاس لیک کړي.
په مشترکه اعلامیه کې وویل شوو چې یوکرېن رضامندي ښکاره کړه چې د امریکې په تجویز په سمدستي ډول د موقتي وخت دپاره د ۳۰ ورځو ډزبندي عملي کړي
د کرېملېن ترجمان دمتري پېسکوف د شورو، چهارشنبې، په ورځ وویل روس د امریکې د تجویز په اړه معلوماتو ته انتظار کوي.
Forum