ټرمپ په وایټ هاوس کې د کرېپټو کرنسۍ په اړه غونډې کوربتوب کوي

د امریکې صدر ډانلډ ټرمپ د جمعې په ورځ په وایټ هاوس کې د کرېپټو کرنسۍ د اعلا چارواکو غونډې کوربتوب کوي چې د یو داسې صنعت سره د سیاسي ملاتړ اظهار ګڼل کېږي چې قانونیت ترلاسه کولو دپاره کوښښونه کوي او د ريپبلېکن پارټۍ صدر هم په کې مفادات لري.

د کرېپټو کرنسۍ په اړه د صدر اعلا چارواکي ډېوېډ سی کس د ټرمپ د کاري ډلې ترڅنګ د کرېپټو کرنسۍ بانیان، د کمپنو مشران یا سي ايي اوز او سرمایه کار رابللي چې کرېپټو ته د وده ورکولو او دې صنعت ته قانونین د ورکولو دپاره تګلارې جوړې کړي.

د زیارت، پنجشنبې، په ماسخوتن، ټرمپ یو صدارتي امر دستخط کړو چې ترمخه به سټرېټيجېک بېټ کواېن رېزرو یا د بېټ کواېن ذخیره جوړول کېږي. سی کس وویل د دې ګام دلاې د انتخابي کېمپېن وعده پوره کړی شوه.

د کرېپټو کرنسۍ په اړه په وایټ هاوس کې د غونډې په مېلمنو کې د جمني کرنسۍ بانیان او غبرګ وروروڼه کېمرون او ټایلر وېنکلوس، د کواېن بېس براین ارمسټرانګ او په بېټ کواېن کې د سرمایه کاري کوونکي کمپنۍ مشر مایکل سېلر شامل دي.

سی کس په اېکس یو پوسټ کې وویل دا به یوه وړه غونډه وي او کډون وال به يې د یو غونډ مېز چاپېره کښېني.

په کرېپټو کرنسۍ یقین کوونکي دې ته د مالي انقلاب په نظر ګوري چې په مرکزي چارواکو انحصار کموي او د روایتي بېنکارۍ د نظامونو متبادل دی.

په دنیا کې د ټولو نه زیات تجارت د بېټ کواېن کېږي او پلویان يې د سرو زرو متبادل ښيي او د سیاسي بې ثباتۍ او د کرنسۍ قدر د کمېدو په مقابل کې يې ضمانت ګڼي.

د کرېپټو کرنسۍ مخالفین دريځ لري چې په دې کې سرمایه کاري د اندازو په بنیاد کېږي، په حقیقي استعمال يې پوښتنې راپورته کېدلی شي او که چېرې د دې کارکېټ کښېني نو ټېکس ادا کونکي د مشکلاتو سره مخامخ کولی شي.

د کرېپټو کرنسۍ په برخه کې ټرمپ د مفاداتو د ټکر سره هم مخامخ دی.

په کرېپټو کرنسۍ کې د امریکې لوی سرمایه کاران د صدارتي انتخاب په کېمپېن کې د ټرمپ حمایان وو او د هغه کېمپېن ته يې د مېلینونو ډالرو چندې ورکړي دي چې دا ډول به د مخکنی صدر جوبایډن حکومت ختم شي چې د کرېپټو کرنسۍ ته به يې د شک په نظر کتل.

ټرمپ د کرېپټو کرنسۍ صنعت سره مالي تعلق هم لري او د ورلډ لېبرټي فاینېنشل سره همکاري کوي او د جنورۍ په میاشت کې يې د ټرمپ نومې میم کواېن شروع کړو. هغه مېرمن مېلانیا هم میم کواېن شروع کړی دی.

په یو وخت کې ټرمپ د کرېپټو صنعت مخالف وی خو اوس یې ډېر داسې ګامونه اخیستي د دې کرنسۍ په لاره کې قانوني خنډان یې لرې کړي دي.

د زیارت، پنجشنبې، د ورځ حکم نامې دلاندې به د امریکې د بېټ کواېن په ذخیره کې به هغه بېټ کواېن کرنسي جمع کېږي چې د مجرمانو خلاف ګامونو کې نیول کېږي.

ټرمپ د کرېپټو کرنسۍ حماي پال اېټکېنز د سېکیورټيز اېنډ اېکسچینج، اېس ايي سي، مشر ګمارلی دی. د اېټکېنز په مشرۍ کې اېس ايي سي، د کرېپټو د دوو کمپنو کواېن بېس او د کرېکن خلاف اقدامات ختم کړي دي. دا اقدامات تېر حکومت شروع کړي وو.

د امریکې تېر حکومت په هغو بېنکونو سخت قدغنونه لګولي وو چې کرېپټو کرنسۍ په کې پرتې وې. دغه قدغنونه لرې کړی شوي دي.

د کرېپټو کرنسۍ په اړه زیات بدلون د کانګرس په لاس کې دی خو په کانګرس قانون سازي د جمود ښکار شوې ده.