د افغانستان د پخواني حکومت سفارتکارانو ویلي ترکي يې ماموریت ختم کړو او د افغانستان سفارتخانه يې د ترکي خارجه وزارت ته وسپارله. دې پرمختګ د طالبانو حکومت دپاره لاره خلاصه کړه چې په ترکي کې خپل استازي وګماري.
د پخواني افغان حکومت سفارتکارانو د سوشل میډیا په اېکس وېب پاڼه وویل په انقره کې افغان سفارتخانه د زیارت، پنجشنبې، په ورځ د ترکي خارجه وزارت ته وسپارل شوه.
په غېر معمولي سخت بیان کې پخوانیو افغان سفارتکارانو ترکي د طالبانو د دباو په نتیجه کې د دوی ماموریت ختم کړو.
د انقره چارواکو په سمدستي ډول په دې اړه څه نه دي ویلي.
اېسوسي اېټېډ پرېس خبري ادارې په انقره کې د افغانستان د پخواني حکومت د سفارتکارانو ماموریت ختمېدل په سفارتي سطح د طالبانو بله کامیابي وبلله او ويې وېل درې کاله مخکې په افغانستان د بیا واکمنېدو راهسې طالبانو په بهر ملکونو کې د ۴۰ نه زیاتې سفارتخانې یا کونسلخانې نيولې دي.
د انقره نه تلونکو افغان سفارتکارانو وویل طالبانو په انقره کې د افغنستان سفارتخانه نیولو دپاره په سفارتکارانو او د عملې په غړو دباو اچولی و خو ناکامه شوي وو. دوی زیاته چې کړه طالبانو د ترکي په حکومت هم فشار اچولی و او د ترکي خارجه وزارت په وروستیو ورځو کې فېصله وکړه چې د افغان سفیر او د افغان سفارتکارانو ماموریت ختم کړي.
پخوانیو افغان سفارتکارانو وویل ترکي يې ماموریت د ختمولو فېصله ځکه وکړه چې په کابل کې خپل سفارت او د افغانستان په هرات او مزارشریف ښارونو کې خپلې کونسلخانې ازادې وساتل شي.
په کابل کې د طالبانو خارجه وزارت وویل په بهرنیو ملکونو کې د سفارتي عملې بدلېدل د معمول عمل دی. د وزارت یو اعلا چارواکي ذاکرجلالي وویل په انقره کې د افغانستان سفارتخانې خپل فعالیت د معمول سره سم دوامداره ساتلی دی او افغانانو او نور خلکو ته خدمات ورکوي.
د تېر کال د جولای په میاشت کې طالبانو وویل د مغرب حمایت یافته پخواني افغان حکومت سفارتکاران نه مني. د طالبانو حکومت تراوسه یو ملک هم په رسمیت نه دی پېژندلی.
په افغان مېرمنو د طالبانو د بندیزو په سر مغربي ملکونو او نورې نړیوالې ټولنې سره د طالبانو تعلقات کړکېچن دي خو بیا هم چین، روس او ځینو نورو ملکونو طالبانو سره سفارتي تعلقات قایم کړي دي.
Forum