په افغانستان کې د امریکا سمندري ځواکونه د لومړي ځل لپاره افغانانو ته د داعش او طالبانو پرضد د ډرون د بریدونو روزنه ورکړې.
د نیوزویک د راپور له مخې افغان سرتیرو پدې وروستیو کې د ډرون په کارولو سره د مخالفینو اهداف موندلی او په نښه کړیدي.
د امریکا د سمندري ځواکونو یوې ویاندې ویلي دي چې دا لومړی ځل و چې افغان سرتیرو په خپلو هوايي بریدونو کې د دوښمن خوځنده اهداف په نښه کړل.
خبر زیاتوي، افغان حکومت د ډرون د بریدونو په برخه کې اوس په ایتلافي ځواکونو باندې خپله تکیه راکمه کړېده.
د افغان ځواکونو لخوا د ډرون بریدونه وروسته له هاغې پیل شول کله د ولسمشر ډانلډ ټرمپ افغانستان ته د نورو امریکايي سرتیرو د لیږلو پریکړه وکړه.
پنټګان په نومبر کې اعلان وکړ چې دا مهال په افغانستان کې ۱۴۰۰۰ امریکايي پوځیان دېره دي چې دا د هغې شمېرې تقریبا دوه چنده ده کومه چې واک ته د ټرمپ د رسېدو په پیل کې وه.
