د امریکې درې لوی سټاک مارکېټونه غورځېدلي دي

د امريکې درې لوی سټاک مارکېټونه د ګل، دوشنبې، په ښکته تللي وو چې سبب يې د سرمایه کارانو دا تشویش ګڼل کېږي چې صدر ډانلډ ټرمپ په اینده میاشتو کې په ملک کې د اقتصادي بحران امکان نه دی رد کړی او امریکې ته په درامداتو د اضافي ټېکسونو په اړه غېر یقیني صورتحال موجود دی.

د ګل، د غرمې پورې د ډاوجونز اېنډېکس ۸۰۰ واینټونه او اېس اېنډ پي ېنډېکس ۱۵۰ پواینټونه یا دوه اشاریه پينځه شپېته فيصد غورځېدلی و.

د ټېکنالوجي کمپنو اېنډېکس یا ناسډاک ۷۴۰ پواېنټونه یا څلورفیصده غورځېدلی و.

ټرمپ تېره هفته د کېنېډې او د مېکسیکو په درامداتو د ۲۵ فیصد نوي ټېکس اعلان وکړو خو څو ورځې وروسته يې د اپرېل د دویمې نېټې پورې وځنډول او دا خبره يې غېر واضحه پرېښوده چې مخکې به څه کېږي.

د تجارت وزیر هورډ لټنېک اېن بي سي نیوز ټېلې وېژن ته وویل په امریکا کې به اقتصادي بحران یا رېسېشن نه کېږي. خو ټرمپ د دې متضاد خبره وکړه.

ټرمپ فاکس ټېلې وېژن ته وویل داسې ډول اندازه لګول نه خوښوي، دا انتقالي وخت دی، لوی کار کوي، امریکې ته دولت بېرته راوړل غواړي، دا لویه خبره دې او په دې کې لږ وخت لګي.

د ګل، دوشنبې، په ورځ د ټېکنالوجۍ د لویو لویوکمپنو د ونډو خرڅلاو دوام لرلو. د ټېسلا کمپنۍ ونډې ۱۳ فیصد په ښکته تللې وې. ټرمپ د ټېسلا مشر ایلان مسک خپل مشیر ګمارلی دی.

د اېپل، مایکروسافټ، اېلفابېټ، اېمېزان، اېنویډیا او د مېټا شېیرز دوه فیصد غورځېدلي وو.

امریکا د دنیا د ټولو نه لوی اقتصاد دی. دا مهال په کې د کمزورتیا نخښې نخښانې لیدل کېږي چې بنیاد يې زیاتره د صارفینو سروی دي. د امریکې د اقتصاد پایه (څرخ) ۷۰ فیصد برخه د صارفینو په پېسو خرچ کولو چلېږي.

د فېډرل رېزرو بېنک اف اېټلانټا معلومات دا امکان څرګندوي چې ممکنه دا امریکې اقتصاد په کمېدو دی.