دمذهبي ګوند جماعت اسلامي لخوا رابلل شوې دپاکستان دبیلابیلو سیاسي ګوندونو، قبائیلي مشرانو اؤ مدني ټولنې دغړو په جرګه کې دمرکزي حکومت نه غوښتنه شوې چې دکال۲۰۱۸م دټولټاکنو څخه دمخه دې قبائیلي سیمې په خیبرپښتونخوا صوبه کې ورګډې کړل شي.
جماعت اسلامي وایي دخپلې دغه غوښتنې په حق کې به په نهمه جنورۍ دپنجاب صوبې سرښار لاهور کې یو لویې کانفرنس کوي اؤ دحکومت څخه به غواړي چې په راتلونکو ټولټاکنو کې دې خیبرپښتونخوا اسمبلۍ کې قبائیلي سیمو ته استازیتوب اؤ په این ایف سي ایوارډ کې خپله برخه ورکړل شي.
دعوامي نیشنل ګوند مرکزي مشر حاجي غلام احمد بلور ددغه جرګې په مهال تور لګولی چې حکومت فاټا کې اصلاحات پخپله نه کول غواړي خو دخلکو دنظر نه دځان ویستلو دپاره یې دوه نور سیاسي ګوندونه رامخکې کړي دي.
ددغه جرګې په هکله نور احوال دپيښور نه حمیدالله په دې راپور کې اوریدلی شئ
Your browser doesn’t support HTML5
جماعت اسلامي جرګه