واشنګټن ـــ د هندي فلمي نړۍ باليووډ سپر سټار شاه رخ خان له خپلو ملگرو اداکارانو کترینه کېف او انوشکا شرما سره یو ځای د خپل راتلونکي فلم "زیرو" په اړه په ممبۍ ښار کې په یوه دستوره کې برخه واخیسته.
د فلم ډاریکټر انند اېل رای دی او دا فلم د یو لنډي تن کیسه ده چې ډېر اوچت خوبونه لري او له یوې فلمي ستورې سره یې د مینې تعلق وي.
په فلم کې د سپر سټار کردار اداکارې کترینه کېف تر سره کړی دی او شاه رخ خان د فلم مرکزي کردار تر سره کړی چې په فلم کې یې نوم باووا سنگا دی. د فلم د ټرېلر (لنډیز) د خپرېدو په موقع اداکارې انوشکا شرما و ویل:
"په فلم کې زما کردار د یو داسې انسان دی چې په جسماني توگه معذوره وي نو ماته معلومه وه چې زما کردار به ډېر سخت وي".
د شاه رخ خان، کترینه او انوشکا د راتلونکي فلم ټرېلر پر ټویټر هم خپور شوی او ډېر خوښ کړی شوی دی.
د فلم ډاریکټر انند اېل رای ویلي، فلم "زیرو" خلکو ته دا پیغام ورکوي چې پخپل ژوند کې دې اړیکي او خلک کمتر نه گڼي:
"دا ډېر مهم دی چې کله هم کوم تعلق یا انسان کمتره نه گڼو، نو دا فلم د یو داسې انسان د گټې کیسه ده چې څوک چې له ځان سره جنګ کوي او د خپلې کامیابۍ په لور سفر کوي".
Bas zameen se do inch upar hota hai chaand!!! Ye baat samajh bhi aayi to 4 feet 2 inch ke aadmi ko! :) #KatrinaKaif @iamsrk @AnushkaSharma #ZeroPoster pic.twitter.com/cMP2h1zzVc
— AANAND L RAI (@aanandlrai) October 31, 2018
انند اېل رای په یوه ټویټ کې لیکلي، "سپوږمۍ د ځمکې نه یواځې دوه انچه اوچته وي. په دې خبره چې څوک پوهه شو نو د هغه قد هم ۴ فټه او ٢ انچه دی".
د فلم "زیرو" د ټرېلر په اړه د باليوډ ستر اداکار عامر خان په ټویټر پخپل پېغام کې ویلي چې د دې فلم کتو ته لېواله دی:
"ملگرو ما د فلم «زیرو» ټرېلر وکتو او زه د دې باره کې یو ټکی ویم [ډېر ښه]. کترینه ډېر ښه کار کړی او د انوشکا شرما کار د لیدو قابل دی او شاه رخ! تا ډېر اوچت کار کړی دی. د فلم کتو ته لېواله یم".
Guys, I just saw the trailer of Zero. Just one word... OUTSTANDING!!! Congratulations @aanandlrai ! #Katrina is fantastic! @AnushkaSharma is unbelievable! @iamsrk, you have outdone yourself! Can%27t wait to to watch the film! Love. a.
— Aamir Khan (@aamir_khan) November 1, 2018
د فلم هیرو شاه رخ خان هم د فلم یو پوسټر او د فلم یو ډایلاگ ټویټ کړی دی.
Isn’t she the warmest and kindest! My friend...Thanks for bringing Zero to life! pic.twitter.com/I0HKPiznAH
— Shah Rukh Khan (@iamsrk) November 1, 2018
په ټوېټر باندې یو شمېر خلکو د فلم د ټرېلر ستاینه کړې. اسماعیل نکسن نومي یو تن په ټویټر په فلم کې د شاه رخ خان د یو ډایلاگ په اړه یوه خونده وره ویډیو ټویټ کړی ده او د فلم ټیم ته یې نېکې پېرزوینې وړاندې کړې دي.
AUR woh mere barabar... @iamsrkGonna rock... best of luck team..Here my small effort for you team..Lotz of love and wish success...#Zero #ZeroTrailer #ZeroTheMovie pic.twitter.com/3FUtTYRIrL
— IsmaiL Nikson (@IsmaiL_Nikson) November 3, 2018
د شاه رخ خان، کترینه کیف او انوشکا شرما نوی فلم "زیرو" به د دسمبر په ٢١مه نېټه خپرېږي.