د امريکا د بهرنيو چارو وزير انتوني بلينکن د افغانستان د سولې د خبرو دپاره د امریکا د ځانګړي مرستيال زلمي خليلزاد سره د افغانستان د سولې په اړه خبرې اترې کړي دي.
نوموړي د ليدنې په اړه په ټويټر ویلي،
"زلمي خليلزاد سره مې په ليدنه کې د افغانستان په اړه خبرې وشوې: چې امریکا دې د ترهګرۍ د ګواښونو څخه په دوامداره توګه خوندي وساتل شي، په افغانستان کې تلپاتې سیاسي جوړ جاړی ترلاسه کړی شي، او دايمي اوربند دې وشي".
Great meeting with @US4AfghanPeace Ambassador Khalilzad to discuss the way forward in Afghanistan: continuing to protect the U.S. against the threat of terrorism, achieving a just and durable political settlement there, and cementing a permanent and comprehensive ceasefire. pic.twitter.com/qJ3H4erZ4v
— Secretary Antony Blinken (@SecBlinken) February 4, 2021
دغه ليدنه چې په څلورمه فرورۍ شوې په اړه یې خليلزاد ويلي، انتوني بلينکن ته يې د افغانستان د سولې د عمل په اړه احوال تېر کړی دی.
هغه ويلي "په دغه ناسته کې مو د خپلو شرطونو په اساس جوړه سټراټیجۍ باندې بحث وشو، په افغانستان کې امن راوستل، د افغانانو دپاره باثباته راتلونکی، او د امریکا او د اتحاديانو پرضد يې د افغانستان د خاورې د کارولو مخنيوی کول".
2/4 We discussed the focus on our conditions-based strategy, one that brings peace to Afghanistan, secures a stable future for its citizens, and prevents anyone from using Afghanistan to threaten the United States and our allies.
— U.S. Special Representative Zalmay Khalilzad (@US4AfghanPeace) February 4, 2021
دا ليدنه په داسې حال کې شوې چې امریکا ويلي د کال 2020م د فرورۍ په میاشت کې د امریکا او طالبانو ترمنځ شوې موافقنامې ته بيا کتنه کوي.
په 28م جنورۍ انتوني بلينکن د افغان ولسمشر اشرف غني سره په دغه اړه ټيليفوني خبرې هم شوې وې.
بلينکن ویلي وو امریکا د طالبانو سره د کال 2020م د فرورۍ تړون ته بيا کتنه کوي چې طالبان د تړون لاندې ژمنو سره پاتې شوي که نه؟ چې د نورو ترهګرو ډلو سره يې اړيکې ختمې کړي؟، په افغانستان کې يې تشدد کم کړی؟ او د افغان حکومت او نورو اړوند فريقېنو سره يې معني خېزې خبرې پېل کړي دي که نه دي؟.
د جنورۍ د مياشتې په لومړو کې په قطر کې د افغان طالبانو او افغان حکومتي استازو ترمنځ د بېن الافغاني خبرو دوهم پړاو پېل شوی خو تراوسه پورې په دغو خبرو کې کوم ښکاره پرمختګ نه دی شوی.