د پښتون ملت پاله ګوند [پښتونخوا ملي عوامي پارټۍ] مشر محمود خان اڅکزي د ګوند څخه د صوبايي اسمبلۍ ممبر په ګډون د نورو غړو ويستلو وويل او زياته يې کړه دغو غړو د ګوند د ايين سرغړونه کړې ده. خو ويستل شوو مشرانو عهده دارو غړو د وړاندې نه ويلي دوی د غېر اييني لارې د ګونده ويستل شوي دي.
د پښتونخوا مېپ مشر محمود خان اڅکزي نن د خالي/ شنبې په ورځ [26نومبر] په کوټه کې د خپل ګوند په مرکزي دفتر کې خبري غونډې ته وويل چې په 23 او 24 نومبر په کچلاغ کې مخکني سکرټري جنرل مختار خان يوسفزي د مرکزي کمېټۍ غېراييني غونډه رابللې ځکه يې په دغه غونډه کې د ګډونوالو د د ګوند څخه ويستلو پرېکړه وکړه.
هغه وويل دغه پرېکړه د ګوند د مرکزي اېکزېکيټو په مشوره وشوه، او زیاته يې کړه د صوبايي اسمبلۍ غړي نصرالله زيري په ګډون د بلوچستان او سیند صوبې د نورو عهده دارو بنيادي رکنيت ختم کړی شو او د خېبرپښتونخوا صوبايي اېګزېکټيو هم ماته کړی شوه.
ښاغلي اڅکزي دغه اعلان په داسې حال کې وکړو چې دوه ورځې وړاندې د مختار خان يوسفزي په مشرۍ د ګوند د نورو ځينو ويستل شوو غړو غونډه شوې او د دوی د ويستلو پرېکړې ته غېر اييني ويلي وو.
د ګوند سيکرټري جنرل مختار خان يوسفزی او د هغه سره د خېبرپښتونخوا صوبايي خورشيد کاکاجي او نور عهده دار په 19 نومبر ويستل شوي وو، له دغې وړاندې د ګوند مرکزي سېکرېټري اطلاعات رضا محمد رضا او مرکزي سېکرېټري عبيدالله بابت د ويستلو اعلان هم شوی وو.
هغه وخت ويل شوي وو ياد کسان د پارټۍ د ايين او قانون ضد لاره خپلولو، په ګوند کې د بې اتفاقۍ خپرولو او ځان ته يې د جلا ګوند د جوړولو د پلان په تور ويستل شوي دي.
خو مختار خان يوسفزي ویلي، چې دوی پر نظرياتي اساس د ګوند د مشر پر تګ لاره، او د افغانستان په اړه د ګوند د مشرد دريځ د بدېلېدو پوښتنې راپورته کړې ځکه د چيرمېن له لوري دغه ګام پورته کړی شو.
خو محمود خان اڅکزي نن وويل هغه څو ځله د ګوند مشران په سرغړونو کولو پوهه کړي خو دوی نه دي ګرځېدلي او د افغانستان په اړه د پاليسۍ بدلولو پوښتنې په ځواب کې يې وویل، دوی پاکستان خپل ملک او افغانستان مادر وطن بولي او زياته يې کړه د پاکستان او افغانستان حالات ډېر خطرناک دي په اقتصادي او نورو حوالو.
هغه وويل د افغانستان او پاکستان اړيکې د دوه مسلمان هېوادونو دي او د هغې دپاره به پاکستان ته د افغانستان د پينځمې صوبې او سټراټيجيک ډيپت څخه ګرځېدل وي. نوموړي زیاته کړه په دغه اړه به نورې تفصیلي خبرې په دوېم دسمبر وکړي.