د پاکستان یو ملت پال عوامي نیشنل گوند په خپلو دوو لوړ رتبه غړیو افراسیاب خټک او بشرا گوهر گوند ته د زیان رسولو، دگوند په نورو غړیو کې د انتشار جوړولو سخت تورونه پوري کړي دي او د گوند غړيتوبونه یې ورله ځنډولي دي.
بشرا گوهر د گوند مرکزي نایب صدره او پخوانۍ د قامي اسمبلۍ ممبره ده. هغه د پاکستان په ټيلي وژن چینلو په ساسي چارو بحثونو کې هم څېړنې کوي.
افراسیاب خټک پخوا نې سېنیټر ،دگوند د مرکزي شورا مشر ، او د پخواني رهبر عبدالولي خان نزدی ملگری وو، ښاغلی خټک د پاکستان په انگریزۍ ورځپاڼو کې په سیاسي چارو لیکل او په پښتو ژبه کې شاعري هم کوي.
د وي او ای ډیوه افراسیاب خټک او بشرا گوهر ته د غبرگون د خواستونو په ځواب کې یواځې بشرا گوهر ډیوه ته د ټلیفونه په لیکه وویل چې دا وخت هغه کومه مرکه نه شي کولی خو د ډیوه سره یې خپل هغه ځواب شریک کړو کوم چې یې گوند ته ورلیږلی وو . دغه وضاحت په ټویټر هم خپور شوی دی.
بشرا گوهر او افراسیاب خټک په بیلو بیلو لیکونو کې د گوند د مرکزي سیکتر میا افتخار نه تپوس کړی دی، چې څه قسمه سر غړونه شوېده؟ افراسیاب خټک ليکلي دي چې ستاسو الزام چې ما سر غړونه کړې خو مثال مو نه دی ورکړی. بیا لیکي ستاسو الزام گنگس دی زه د یو گنگس الزام څه ځواب وویمه؟
Respected @BushraGohar bibi%27s response to party%27s show case ګوند نه یی لری کړو خو زمونګ د زړونه نه يي سنګه لری کوی؟#IStandWithBushraBibi#IStandWithAfrasiabKhattak@a_baittani @sanaejaz2 @BushraGohar @mjdawar @a_siab @mazdaki @Nizaryousafzai1 @shereenyar1 @iopyne @khattak pic.twitter.com/5Jf5l7OQlP
— اولس یار (@Pashteenxalmai) November 12, 2018
بشرا گوهر د خپل غړیتوب د ځنډولو په حقله د نورو رای هم په خپله پاڼه شرېکې کړي دي. هغې د حميد مندوخیل ټویټ شریک کړی دی چې واي "ددې فیصلې نه به د پښتونولۍ سیاست ته سخت زیان ورسي"
عوامی نیشنل پارٹی نے شوکاز نوٹس کے بعد بشرئ گوہر اور افراسیاب خٹک کے پارٹی رکنیت معطل کر دی!ایسے فیصلوں سے نہ صرف قوم پرست سیاست پر دبہ ہوگا بلکہ پشتون ولی سیاست کو سخت نقصان پہنچے گا ان دو اہم شخصیت کے کاکردگی پورے قوم کے سامنے ہیں. pic.twitter.com/rCxKcPQPDr
— Gul Bukhari Right Fighter (@HamidMandokhail) November 12, 2018
بشرا گوهر د مليحه منظور یو ټویټ هم ورکړی چې پکې په ای این پی پسې سپکه ويل شوی ده.
افراسیاب خټک ای این پي ته خپل رسمي ځواب په ټویټر پاڼه ورکړی دی.
This is the reply that i had sent to the party leadership in response to the show cause notice. Since the notice was made public even before it reached me it will only be fair to share my response with everyone. People & history are the best judges. pic.twitter.com/Z2FtnaGymP
— Afrasiab Khattak (@a_siab) November 12, 2018
ښاغلي خټک په یو بل ټویټ کې ویلي دي چې دا ممکن ده چې سیاسي کارکونکي د گوندونو څخه ویستل شي خو دا نه ده ممکن چې د سیاسته ویستل شي.
Political workers can be unfairly expelled from pol party but they can’t be expelled from politics. We shall steadfastly continue struggle against all forms of oppression,suppression & exploitation. My heartfelt thanks to all dear friends for solidarity.
— Afrasiab Khattak (@a_siab) November 12, 2018
د گوند د قومي اسمبلۍ پخوانۍ غړې او د گوند یوې مرکزي مشرې جميله گیلاني د احتجاج په توگه د گوند د خپلې عهدې نه استعفا ورکړې ده.
زه جمېله ګېلاني، چې د عوامي نېشنل ګوند مرکزى جوائنټ سېکټرى يم. ز د اې اېن پي د بشره ګوهر بى بى او افراسياب خټک صېب د پارټې د بنيادى رکنيت ختمولو په جواب کښې احتجاجً د خپل عهدې نه استعفى%27 ورکوم. @a_siab @BushraGohar @sanaejaz2
— Jamila Gillani (@JamilaGillani) November 12, 2018
ای این پي ويلي دي چې دواړو مشرانو ته شو کاز ټوټسونه لیږل شوي وو خو دی غړیو په خپلو ځوابونو کې گوند مطمین نه کړی شو او د گوند مرکزي صدر اسفندیار ولي خان د گوند د ايئن د مې١١ پاڼې د ٨م باب د شق م٢ لاندې د ځانگړیو اختیاراتو په کارولو د دواړو رکنیت وځنډوو.
څو ورځې مخکې وي او ای ډیوه ته د گوند یو مهم مشر د نوم نه ښودلو په شرط ويلي وو دې دواړو د ای این پي په وسنیو تگ لارو کې بدلون غوښتلو، د سرچينې له رویه د اکتوبر په وړومبۍ نیټه په باچا خان مرکز پېښور کې د مرکزي شورا په غونډه کې افرسیاب خټک او بشرا گوهر د گوند په انتخاباتو کې د ناکامۍ زمواري په مشر اسفندیار ولي اړولی وه.
بشرا گوهر ويلي وو چې ای این پي د پښتون ژغورنې غورځنگ د ملاتړ نه کولو په سر په انتخاباتو کې ماتې وخوړه.
افراسیاب خټک د گوند په مشر د افغانستان په حقله په تگ لارې ټکونه کړي وو.
د سر چينې تر مخه هم په دغه غونډه کې اسفندیار ولي خان ددې غړیو په نيوکو بې کچه نا خوښي ښودلې وه او په خپل تقرير کې یې دواړه سخت لتاړ کړي وو.
ښاغلي اسفندیار ولي خان یا دگوند بل لوړ رتبه مشر په دې حقله څه سپيناوی نه دی کړی خو د دې دواړو د غړیتوب د ځنډولو په رسمي اعلان نامه کې ای این پي دغه خبرې ته اشارې موندل کیږي چې د مرکزي شورا په غونډه کې د مشرانو تر منځه سخت بحثونه شوي دي او د گوند د اصولو د خلاف ورزۍ یادونې یو بل ته شوي دي. البته دواړو ته د گوند د اصؤلو د خلاف ورزۍ په نوټس کې د خلاف ورزۍ څه مثال نه دی ورکړی شوی.
ډیوه ریډیو ته د گوند یو بل غړي هم ويلي دي په ظاهره د افرسیاب خټک او بشرا گوهر نيوکې د ايئن مطابق وې خو داسې ښکاري د گوند په مشرانو د دوي د وښکلو لپاره فشار وو.
دا فشار د چا له خوا وو دغه سر چینې نه ده په ډاگه کړې خو واي ددې دواړو مشرانو دریځونو د پي ټي ایم د پاکستان په پوځ تورونو ته ورته وو او دا خبره په گوند کې چاته منظور نه وه.