برتانوي وګړي ګوهیر خان ته د بلاګر وقاص ګورایه د قتل د سازش په تور کې د عمر قید سزا ورکړی شوه.
رپورټرز وید اوټ بارډرز یا د بې پولې خبریالانو تنظیم ار اېس ایف په خپله ویب پاڼه خبر ورکړی چې د لندن کنګسټن تهامس کورټ ګوهیر خان ته د عمر قېد سزا واوروله، ار اېس ایف وايي:
“مونږ په دې قضیه کې د عدالت د پرېکړې هر کلی کوو”
د ار اېس ایف په خیال د خپلو هیوادونو څخه د ژوند د خطر یا مشکلاتو په وجه جلاوطن شوي خبریالان چې په بهر هیوادونو کې ورته هم ګواښونه کیدل تر ډېره حده به ددې پرېکړې په وجه خوندي شي.
#UK/#Pakistan: Muhammad Gohir Khan has been sentenced to life imprisonment for conspiring to murder exiled Pakistani blogger @AWGoraya. RSF welcomes this rare example of criminal accountability for transnational crimes against journalists. https://t.co/Gw0C7cqxWu
— RSF (@RSF_inter) March 11, 2022
په پاکستاني نژاد برتانوي ګوهېر خان تور ؤ چې هغه د پاکستان یو منځګړي تن (میډل مېن) چې د ميډز فرضي نوم یې کارولو او خپل نوم یۍ مزمل دی د ګورایه د وژلو لپاره پېسې اخستې وې.
ډیوه د وقاص ګورایه سره ددې قضېې په لړ کې د غبرګون لپاره د تماس هڅه وکړله خو هغه څه ځواب نه دی ویلی.
په لندن کې ددې قضېې څار کونکي د بشري حقونو فعال روشان خټک ډیوه ته د واټس اپ د لارې وویل چې د یوه نادره فیصله ده:
“ما په خپله دا قضیه څارله، مونږ تمه نه ساتله چې ګوهیر خان ته به د عمر قېد سزا وشي، دا یوه ډېره ښه فیصله وشوه”
هم په لندن کې د پاکستان د یو شخصي ټیلي وژن خبریال مرتضیٰ علي شاه په خپل ټویټر پاڼه خبر ورکړی چې:
“د سوپر مارکیټ سامان وړونکی ډرایور ګوهير خان د یو لک برتانوي پاونډونو لپاره د په ندرلینډ کې د مېشت فعال وقاص ګورایه د قتل په تور کې عمري سزاوار شو”
Supermarket delivery driver Gohir Khab has been jailed for life after acting as a £100,000 hitman for hire to kill Netherlands based activist Waqas Goraya. Kingston crown court sentenced him for life after finding him guilty of conspiring to kill 4 money with help from ‘Mudz’. pic.twitter.com/B4iPGRUXnb
— Murtaza Ali Shah (@MurtazaViews) March 11, 2022
له دې څخه وړاندې د روان کال د جنورۍ په 28 مه نیټه د لندن په یو عدالت کې د منصفانو ډلې (جیوري) ګوهير خان قصور وار او مجرم ګرځولی وو او ټاکل شوې وه چې په مارچ میاشت کې هغه ته سزا واوروي.
وقاص ګورایه چې د جلاوطنۍ ژوند تیروي په کال 2007 کې نیدرلېنډ ته د تعلیم په ویزه سفر کړی ؤ.
ګورایه په خپلو ټولنیزو پاڼو د پاکستان په پوځ زیاتره وخت د بشري حقونو د سرغړونې، په سیاست کې د لاس وهنې او په خبریالانو د پابندیو تورونه پورې کوي.
د پاکستان پوځ یا حکومت تر دې دمه په دې لړ کې کوم سپیناوی نه دی کړی چې مزمل څوک دی او ولې د ګورایه د وژلو لپاره ګوهیر خان ته پېسې ورکولې خو د هیواد پوځي او حکومتي چارواکي زیاتره وخت په ځان د لګیدلو تورونو په ځواب کې وايي چې په بهر هیوادونو کې ناست خلک د غلیم په لمسه د پاکستان د ادارو د بدنامولو کوښښونه کوي.
په دې قضیه کې د پاکستان د ادارو د بیا بیا زکر کیدلو په هکله د پاکستان ډان ورځپاڼې د روان کال د جنورۍ په میاشت کې په خپله اداریه کې لیکلي
وو چې د لندن په عدالت کې د وقاص ګورایه د ناکامه قتل په منصوبه کې د پاکستان بیا بیا ذکر وشو خو په دې هکله تر اوسه یاد هېواد د څه ویلو نه ډډه کړېده.
اخبار لیکلي وو “په لندن کې په روانه ستره قضیه کې د پاکستان بیا بیا ذکر وشو د چرته نه چې هیټ مېن یا اجرتي ته په تورنه توګه پېسې لېږل شوې”.
د ډان اخبار تر مخه منځګړي ګوهېر خان ته د يو پاکستاني بېنک د لارې پینځه زره پاونډونه، د ګورایه عکس او په روټرډم نیدرلېنډ کې د هغه د کور درک ورلېږلي وو.
د ګوهېر خان سره لوظ شوی ؤ چې د کار په پوره کولو به ورته اتیار زره پاوڼد ورکولی شي