د امریکا صدر جو باېدڼ او د ډېموکرېټ ګوند صدارتي کاندید جوباېډن لخوا د صدارتي زغل نه د وتلو او د ګوند د صدارتي کاندید لپاره د کاملا هېرېس د ملاتړ د اعلان وروسته د کاملا هېرېس نامه یو وارې بیا د امریکا مطبوعاتو تر څنګ په نړیواله توګه هم یادیږي.
کاملا هېرېس لومړۍ ښځه، تورپوستې، د کډوالو لور او هندي نسله ښځه شوه چې په امریکا کې په دومره لوړه څوکې وټاکل شوه.
مېرمن هېرس د دوو پیړیو څخه روان د امریکا هغه روایات هم بدل کړو چې د امریکا مشري به تل سړو ، په خاصه توګه سپېن پوستو سړو کوله.
شپږ پنځوس کلنه کاملا هېرېس د کلیفورنیا ایالت نه د ډیموکرېټ ګوند سېنیټره وه. د هغې مور یې د18 کالو په عمر کې د هندوستان نه او پلار یې د جمیکا نه امریکا ته د کډوالو په هیڅ راغلي وو.
نوموړي په اصلي توګه د امریکې بېلا بېلو نسلونو یو والی (اتحاد) ښايي، کوم چې د امریکا د طاقت په ځاینو کې ډیر کم لیدلې کیدو.
د یو تور پوستې امریکایۍ په حیث کاملا هېرېس ډیر په ښکاره توګه د پولیسو د زور زیاتو او په امریکايي نظام کېد نسلي توپیر پرضد غږ پورته کړی دی. د هغې بریا هغه میرمنو ته حوصله او ډاډ ورکوي څوک چې څلور کاله وړاندې د هیلري کلنټن له ماتې سره نا امیده شوې وې.
کله چې د ډیموکریټ ګوند لخوا د صدارت د امیدوار جوړیدو لپاره نوموړې خپلې هلې ځلې ختمې کړی نو ښاغلي بایډن د ځان سره کاملا هېرېس د مرستیالې صدرې په توګه ونومله او د غیرسرکاري نتېجو تر مخه صدر ټاکل شوي جو بایډن سره به د امریکا د مرستیالې صدرې په توګه د جنورې په 20مه نېټه څوګند پورته کوي. میرمنه هېرس د تیرو دوه لسیزو راهیسې د ډیموکریټ ګوند په سیاست کې یو ځانګرې ستوری په حیثیت راپورته شوی.
د امریکې د سینټ د غړي جوړیدو نه مخکې کاملا هېرېس د سان فرانسسکو ولسوالۍ د اټارني یا وکیلې او بیا د کېلیفورنیا ایالت لوی څارنوالې یا اټارني جنرل په توګه دنده ترسره کړي.
په کال ۲۰۲۰م کې په صدارتي ټاکنو کې د جو بایډن د مرستایلې په توګه د کاملا هېرېس ټاکنه خورا اهمیت په دې موندلی وو چې هغه به ترټولو زوړ (زیات عمر) صدر وي چې د 78 کالو په عمر کې به څوګند پورته کوي.
کاملا هېرېس په کال 1964 پېدا شوی، د مور نامه یې شماله ګوپلان او د پلار نامه یې ډانلډ هېرس دی. مور یې د هندستان او پلار یې د جمیکا نه امریکا ته راغلی تور پوستی وو.
کاملا هېرېس د هاورډ یونیورسټې نه سبق ویلې چې په تاریخې توګه تور پلوه کالجونه او پوهنتونونه دي. د مېرمن هېرېس بریا کولی شي ډیرې تور پوستې مېرمنې سیاست ته وهڅوي.