د خېېرپښتونخوا د خېبر ضلعې د جمرود پولیس تاڼې لومړی مشر یا اېس اېچ او د نهې، سه شنبې، په ورځ په یوه حمله کې په ډزو ووژل شو. د هغه ډرایور زخمي دی.
ګلا جان افریدي د جمرود په شاه کس کې په حمله کې ووژل شو.
خېبر د ضلعې په توګه په خېبرپښتونخوا صوبه کې د شاملېدو او د سیمې خاصه دار په پولیس کې د بدلېدو نه پس ګلاجان د جمرود تاڼې یا پولیس سټېشن لومړی اېس اېچ او ګمارل شوی و.
د چارواکو په وېنا دا هدفي حمله او وه او په سیمه کې په تېرو دریو هفتو کې درې دا ډول نورې حملې هم شوي دي خو پولیس افسران پکې محفوظ پاتي شوي وو.
مامورینو په سمدستي ډول د نهې، سه شنبې، د ورځې د حملې ذمه واري په چا نه ده اچولي او نه هم د حملې د مسولیت په اړه کوم رپورټ مخې ته راغلی دی.
د پښتون ژغورنې غورځنګ مشر منظور پشتین د اتوار، يکشنې، په ورځ په مېران شاه کې د غورځنګ جلسې ته وېنا کې د پښتنو په سیمه په بې امنۍ او په هدفي وژنو تشویش څرګند کړو.