د خېبر پښتونخوا اسمبلۍ په یو قرارداد کې په مرکزي حکومت غږ کړی چې د پاکستان په بېلا بیلو برخو کې د پښتنو بند شناختي کارډونه دې ازاد کړی شي.
صوبايي اسمبلۍ یو بل قرارداد هم منظور کړی دی چې پکې د مرکزي حکومت نه غوښتل شوي چې په سعودي عرب کې د زرگونو په شمېره کې پښتانه او نور پاکستانیان د یو شمېر مشکلاتو سره مخامخ دي او په دې لړ کې دې د سعودي حکومت سره رابط وشي.
د پښتونو د شناختي کارډونو یا تذکرو د بندیز په اړه قرارداد کې ویل شوي دې چې د دې له امله پښتانه په کار روزگار او سفر کې د مشکلاتو سره مخامخ کیږي.
د پښتنو د شناختي کارډونو قرارداد د عوامي نېشنل پارټۍ سردار حسین بابک وړاندې کړی و. د وي او ای ډیوه سره خبرو کې ښاغلي بابک وویل چې د شناختي کارډونو جاري کوولو وفاقي ادارې نادره د پښتنو د شناختي کارډونو په مسله د غیر ذمه وارۍ او د غیرسنجیدگۍ نه کار اخیستی دی او داسې ښکاري چې لکه پښتانه د پاکستان شهریان نه گڼل کیږی.
د نادره مشر عثمان مبین ویلي اداره یې د چا سره د ژبې په بنیاد چلند نه کوي او یوازې د هغه پښتنو شناختي کارډونه تړل شوې دي چې د ښاغلي مبین په قول افغانان یې د خپلو کورنیو (خاندانونو) د غړيو په توگه ښودلې دي.
د خیبر پښتونخوا د قانون وزیر سلطان خان وي او ای ډیوه ته وویل چې صوبايي حکومت د قرارداد حمایت کوي او د پښتنو شناختي کارډونه دې ازاد کړی شي.
نور تفصیل پېښور نه د وي او ای ډیوه خبریال حمیدالله په رپورټ کې اوریدی شئ:
Your browser doesn’t support HTML5
د پښتنو بند شناختي کارډونه