په پاکستان کې د انساني حقونو لپاره کارکونکي یوې غیر حکومتي ادارې ویلي په کال ٢٠١٧ م کې په هیواد کې د ٥٠٠ نه زیات کسان د غیرت په نوم وژل شوي دي چې د خېبر پښتونخوا ١١٨ ښځې او سړي شامل دي.
د هیومن رایټس کمیشن اف پاکستان د رپورټ ترمخه په خېبر پښتونخوا کې د عزت په نوم وژل شوو کسکانو کې زیاته شمیره، ٧٢، د ښځو ده. ددې نه علاوه ۴٦ سړي او دوه ماشومان د صوبې په مجموعي توگه په ١١٨ کسانو کې شامل دي.
ادارې ویلي د وژل شوو کسانو شمیره ددې نه هم زیاته کیدی شي ځکه چې د پاکستان په زیاتره لرې پرتو سیمو کې داسې قسمه پېښو ته بدل نومونه ورکړی کیږي او اکثر پېښې په مطبوعاتو کې رپورټ هم نشي.
په خېبرپښتونخوا کې د انساني حقونو لپاره کارکونکی ارشاد خان وي او ای ډیوه ته ویلي د غیرت په نوم قتلونو کې زیاتره د کورنۍ غړي لاس لري نو ځکه یې څوک پولیس ته اطلاع هم نه ورکوي.
نور تفصیل د وي او ای ډیوه خبریال ریاض حسین رپورټ کې اوریدی شئ:
Your browser doesn’t support HTML5
په پاکستان کې د غیرت په نوم قتلونه