په شمالي وزیرستان کې د اتحادالمجادین نومې ډلې په امنیتي ځواکونو حمله کې دوه عسکر وژلي او یو ځايي تن یې د جاسوسۍ په تور په خپل کور کې وژلی دی.
په شمالي وزیرستان کې په امنیتي ځواکونو حمله د نهې، سه شنبې، په ورځ د سېمي مرکزي ښار میران شاه سره نژدې په کم سروبي علاقه کې وشوه.
په سیمه کې د حکومتي چارواکو ترمخه، د امنیتي ځواکونو د یو موټر سره خوا کې په ځمکه کې ښخ بم وچلول شو. د چاودنې په نتیجه کې دوه عسکر ووژل شو.
چارواکو وویل د چاودنې ورسته امنیتي ځواکونو په سیمه کې د لټون عملیات پېل کړل.
د شمالي وزیرستان د تشدد په بله پېښه کې د گل، دوشنبې، په شپه مسلح کسان په میرعلي کې د یو تن په کور ته ورغلل او هغه یې په ډزو ووژلو.
د اتحاد المجاهدین نومې ډلې ترجمان چې د ځان پېژندگلو د خلیل وزیرستاني په نوم کوي، مطبوعاتو ته یې د ټېلې د لارې د تشدد د دواړو پېښو ذمه واري ومنله.
په مير علي کې په کور د وژل شوي تن په اړه وزیرستاني وویل څوک چې د پاکستاني فوج دپاره جاسوسي کوي دغه به یې انجام وي.
د شمالي وزیرستان اوسېدونکي وايي د تېرو شا او خوا دریو میاشتو راهسې په سیمه کې په هدفي حملو کې خلک وژل کیږي.
ځايي چارواکي وايي د گل، دوشنبې، د ورځ پېښه ١٧ مه هدفي وژنه وه.
د سېمې دخلکو یو غورځنگ چې ځان د یوت اف وزیرستان یا د وزیرستان د ځوانانو په نوم پېژندگلو کوي، د هدفي وژنو خلاف یې احتجاجونه کړې دي. د غورځنگ د مظاهرو په بدل کې ورته حکومتي انتظاميي د تحفظ یقین ورکړی دی.
فرید اصغر، د یوت اف وزیرستان، یو فعاله غړی دی، وي او ای ډیوه ته یې وویل حکومت ورسره لوظ کړی و چې مکمل امن پرځای کړی شوی دی، د ځايي خلکونه وسله اخیستل شوې ده خو اوس حکومت هم خلکو ته تحفظ کې ناکامه شوی دی.