د خېبرپښتونخوا حکومت په قبایلي ضلعو کې د اصلاحاتو په رفتار کې د چټکتیا دپاره د اصلاحاتو او د سولې کمېټي جوړه کړه.
د دې خبرې اعلان د وزیراعلا ترجمان اجمل خان وزیر په یوه خبري غونډه کې وکړو.
د خبري ناستې وروسته د وي او ای ډیوه سره خبرو کې ښاغلي وزیر وویل د کمېټۍ هدف د پخوانۍ فاټا سیمو په صوبه کې د شاملولو عمل گړندی کول دي.
پارلېمنټ سږ کال په آئین کې د ٢٥ ترمیم منظورولو دلارې قبایلي سېمې په خېبرپښتونخوا کې ورشاملې کړې خو ځینې سیاست وال او څېړونکي وايي په قبایلي علاقو کې د صلاحاتو رفتار د سست روۍ ښکار دی.
د دې میاشت په شروع کې د قبايلي ضلعو نه د پارلیمان غړو او د فاټا ټاسک فورس غړو د وزيراعظم عمران خان سره وليدل او د پخوانۍ فاټا په صوبه کې د ورګډولو په عمل ورسره یې خبرې وکړې.
د وزیراعظم سره په ناسته کې ګډون وال د باجوړ نه د سېنېټ او د فاټا ټاسک فورس غړی هدايت الله وویل چې ډېر زر به په قبايلي سيمو کې بدلون ښکاره شي.
د پخوانۍ فاټا په خېبرپښتونخوا صوبه کې د ورګډولو په عمل کې تراوسه پورې يواځې څو حکومتي ادارې صوبې ته ورکړل شوي دي چې پکې د تعليم، زکات عشر، صحت او د ابادۍ د ښېګړې محکمې شاملې دي.
په فاټا کې د اصلاحاتو عمل د تېزولو دپاره د صوبايي حکومت د کمېټۍ په اړه تفصیل د وي او ای ډیوه خبریال مدثر شاه په رپورټ کې اوریدی شئ:
Your browser doesn’t support HTML5
په فاټا کې د اصلاحاتو رفتار کې چټکتیادپاره کمېټې جوړه شوه