د پاکستان په ميډيا کې چپه چپيا ده. هډو د پښتنو په خاوره لکه چې څه شوي نه وي. او نه کوم ولسي پاڅون شته. په هره خوا خير خيريت دی. مشران وايي دا حال په کال ١٩٧١ کې د بنگال د خلکو په اړه هم و.
د حکومتي او شخصي ميډيا د خوښې په مسلو بحثونه او پښتون ولس ته په زړه پورو موضوگانو باندې د سترگو پټولو تازه بېلگه د پښتون تحفظ مومنټ د وژل شوي مخکښه غړي ابراهيم ارمان لوڼي قيصه ده.
که هر څومره د پاکستان ميډيا د ارمان لوڼید وژنې د پټولو هڅه کړې خو په پاکستان کې د هغه سره شوی زياتی د بهرنۍ او د سوشل ميډيا د سر ټکی و.
د امرانه رياستونو په څېر، په پاکستان کې هم ولس په خپل سر د خپلې خوښې د خبرونو او رپورټونو اېجنډا جوړوي او د سوشل ميډيا په بېلا بېلو څانگو لکه ټوېټر، فيس بک، اېنسټاگرام او د وټس ايپ د لارې خوروي او دغه رنگ د کنټرولډ (پېزواني شوې) ميډيا اړتيا يې که ختمه کړې نه ده نو خلک هم بې خبره نه دي پاتې شوي.
د ارمان لوڼي د وژنې خبر ته که وکتل شي نو دا د پاکستان په يوه ميډيا هم بريکنک نيوز (تازه خبر) نه و خو سوشل ميډيا دغه خبر په څو شېبو کې پښتانه د چمن نه واخله تر کراچۍ، د سوات نه تر وزيرستانه، د کوټې نه تر قندهارا، د پېښور نه تر کابله او د پاکستان تر امريکا او يورپ خبر کړل. د ارمان لوڼی مړی لا په هسپتال کې پروت و چې يو ځل بيا د سوشل ميډيا په وجه د نړۍ په ډېرو برخو کې احتجاجونه پيل شول.
حال تر دې راغلی چې د پاکستان د سياسي گوندونو مشرانو هم د ارمان لوڼي په وژنه د غبرگون ښودلو د پاره په سوشل ميډيا خپل بيانونه خواره کړل. د پاکستان پيپلز گوند مشر بلاول بهټو په يو ټويټ کې خپل غبرگون ښايي او وايي،
The brutal killing of Arman Loni in Loralai is outrageous and highly condemnable. There must be a full, independent and transparent inquiry. Thoughts and prayers with the grieving family.
— BilawalBhuttoZardari (@BBhuttoZardari) February 3, 2019
د عوامي نيشنل گوند مشر اسفنديار ولي خان په خپله ټوېټر پاڼه ليکلي،
پُرامن شہریوں کو تشدد کے ذریعے قتل کرنے کی جو روایت پڑتی جا رہی ہے اس سے مُلک کی بقاء خطرے میں پڑسکتی ہے، حکومت حالات اس نہج تک نہ پہنچاۓ کہ پھر اُنہیں قابو کرنا مُشکل ہوجاۓ، ظلم کے ذریعے لوگوں کو قتل کرنا قابلِ برداشت نہیں، ارمان لونی کی شہادت کے واقعہ کی شفاف تحقیقات ہونی چاہۓ۔
— Asfandyar Wali Khan (@AsfandyarKWali) February 2, 2019
د پاکستان د بشري حقونو تنظيم هيومن رايټس کميشن اف پاکستان په ټويټ کې دا پېښه غندلې او وايي،
%27The absolute lack of coverage of events surrounding Loni’s death by the electronic media ... has once again raised serious question marks over the integrity of TV journalism as well as the claims of a free press.%27 Via @dailytimespakhttps://t.co/2Wm9yKbHNI via @dailytimespak
— Human Rights Commission of Pakistan (@HRCP87) February 4, 2019
سياسي څېړنکار افراسياب خټک په ټوېټر ليکي،
Pak media observed complete blackout of the funeral of PTM leader Arman Loni,the biggest ever held in the history of Qila Saifulah, & the Pak govt created hurdles on path of mourners coming for it. So what is the message for Pashtun youth who lost a leader to police brutality?
— Afrasiab Khattak (@a_siab) February 3, 2019
چې د سیاسي گوندونو د مشرانو او د بشري حقونو د تنظیم او څېړنکارانو په پاکستانۍ میډیا دا حال وي نو د پې ټي اېم د مشرانو لکه منظور پشتین، محسن داوړ او د علي وزیر سره خو بغیر د سوشل میډیا نه هډو بله لار نېشته.
په پاکستانۍ ميډيا لگېدلي نا اعلان شوې بندېزونه د پوځ په ولقه کې د راگېر رياست دوه مخې تگلاره په ډاگه کوی ځکه چې يو خوا د پوځ وياند جنرل اصف غفور وايي د پي ټي ايم غوښتنې قانوني دي او دعوه کوي چې په ملک کې ميډيا ازاده ده.
جنرل اصف غفور دا هم مني چې پي ټي ايم امن ته څه ضرر نه دی رسولی خو د پي ټي ايم د غړو ويناگانې ترخې دي. د پي ټي ايم غړي وايي د پوځ د دوی نه دا غوښتنه ده چې دغه يوه نعره دې نه وهي چې "يه جو دهشت گردي هی، اس کی پيچهی وردي هی"، نو ټولې غوښتنې يې پوره کولو ته تيار دی.
جنرل غفور خو تر دې ويلي چې پښتانه په پوځي اپرېشنو کې ډېر اغېزمن شوي، داسې کوڅه په پښتونخوا کې نشته چرته چې څوک شهيد شوی نه وي او بيا دا چې اوس وخت راغلی دی پښتنو ته د شوو تاوانونو بدل ورکړی شي.
خو په عملي ميدان کې د پوځ په ظاهره ښه نيت او نېکې هيلې نه ښکاري. پاکستان کې خبریالان وايي د پي ټي ايم د سياسي جدوجهد په اړه رپورټونه نه چاپ کيږي. خبريالانو څو ځله ويلي د پي ټي ايم جلسو ته ځي خو په ټي وي او اخبارونو کې يې چاپولی نه شي.