د پنجاب پخوانی ګورنر سلمان تاثیر د نن نه اته کاله وړاندې هم په دې ورځ د خپل محافظ ممتاز قادري لخوا په اسلام اباد کې په رڼا ورځ وژل شوی وو.
نن د سلمان تاثیر په اتم تلین که څه هم پاکستاني مطبوعاتو د پخوا په شان هغه نه دی یاد کړی، خو په ټولنیزو رسنیو په خاصه توګه په ټوېټر یو شمېر سیاسي مشرانو، مدني فعالینو او عامو خلکو نه یواځې سلمان تاثیر ستاېلی د هغه په اړه يې خپل خیالات هم څرګند کړي.
د پاکستان پیپلز ګوند چیرمین بلاول بهټو زرداري په ټوېټر د پنجاب پخواني ګورنر ته د عقیدت پېرزوېنې وړاندې کړي او د هغه د تلین په موقع يې لیکلی: ٫٫ یو نرتوب وي او یو د سلمان تاثیر په شان نرتوب. د پنجاب سیاست اوس د داسی خلکو په لاس کې دی چې لږه سیاسي پوه لري، نفسیاتي (اعصابي) مسلې لري او ویرېدونکي دي.٬٬ بلاول بهټو وړاندې لیکلي اته کاله وروستو مونږ نور هم په شا تللي یو.
There is bravery and then there is @salmantaseer bravery. Punjab politics is now in the hands of political pygmies, megalomaniacs and cowards. 7yrs on we slip further into the abyss. #RememberingSalmanTaseer
— BilawalBhuttoZardari (@BBhuttoZardari) January 4, 2018
د نوبل جاېزه ګټونکي ملاله یوسفزی پلار ضیا الدین یوسفزۍپه خپل ټوېټ کې د سلمان تاثیر زړورتیا ستاېلې او لیکي ٫٫ هغه یو مضبوط سړی وو چې د کمزورو لپاره ېې خبره کوله. سلمان تاثیر د نرتوب او زړورتیا میراث پرېښودی.٬٬
He was the strongest man who stood and spoke for the weakest & left behind a legacy of courage and bravery.#RIP #SalmanTaseer pic.twitter.com/okWr2igLr0
— Ziauddin Yousafzai (@ZiauddinY) January 4, 2019
د پخواني ګورنر لور ساره تاثیر د خپل پلار اتم تلین په ورځ هغه په یو ټوېټ کې څه داسې یاد کړی ٫٫ هغه هر څه لرل، خو د هغو لپاره ولاړ وو چا چې هیڅ نه لرل. هغه د خپل فکر او پاکستان لپاره خپل ژوند د لاسه ورکړی. زه په خپل پلار او د هغه په نرتوب ویاړ کوم.٬٬
He had everything yet he chose to stand firm for someone who had nothing. He gave his life for his ideals and for #Pakistan 🇵🇰 which he loved and embodied. Proud of my Abba @SalmaanTaseer Proud of his bravery. That was him, not only the day he died but every day he lived. #taseer pic.twitter.com/AuLp0JoS5W
— Sara Taseer (@sarataseer) January 4, 2019
د پاکستان پیپلز پارټۍ سېنټرې شیري رحمان د سلمان تاثیر په اړه په خپل ټویټ کې لیکلي: ٫٫ لکه څنګ چې به هغه ویل، د لرګي نه یم جوړ چې په اسانه وسوځم.٬٬
He was not made from wood that burns easy, like he always used to say. Remembering Shaheed #SalmanTaseer on his 8th martyrdom anniversary #SalamSalmanTaseer pic.twitter.com/GkHDE4Ei8H
— SenatorSherryRehman (@sherryrehman) January 4, 2019
خبریال رضا احمد رومي د سلمان تاثیر یوه خبره ټوېټ کړی او لیکي” تاسو یو ځل ژوند کوۍ، پکار ده د خپلو اصولو سره او په زړورتیا سره ژوند وکړي. هم دا ټوله خبره ده.٬٬
“You live life once, you live it by your principles and you live it courageously- that%27s what it%27s about.”#RIP #SalmanTaseer the man who sacrificed his life while protecting the rights of the weaker. You may not be with us but your legacy shall live on. pic.twitter.com/JGcPZnQtIT
— Raza Ahmad Rumi (@Razarumi) January 4, 2019
سلمان تاثیر کال په ٢٠١١م د جنورۍ په څلورمه د پاکستان سرښار اسلام اباد کې د خپل محافظ ممتاز قادري د لاسه په ډزو وژل شوی وو. د خپل مرګ نه وړاندی سلمان تاثیر په پاکستان کې د توهین رسالت په تور تورنې عیسوي مېرمن اسیه بي بي دفاع کوله.
ممتاز قادري دعوه کړی وه چې سلمان تاثیر ېې د توهین رسالت پرضد جوړ قانون ته د تور قانون ویلو په سر وژلی. ممتاز قادري ته وروسته بیا د پاکستان ستر عدالت د مرګ سزا اورولې وه او په کال ٢٠١٦م د فروری په ۲۹مه نېټه د پنډۍ په اډیاله جېل کې تیزندي کړی شوی وو.