اسرایل وایي ایران چې ورباندې کوم د میزایلو په وسیله پراخ بریدونه کړي دا یې مخامخ له ایرانه کړي دي چې وایي دا د شخړې شدید او خطرناک زیاتوالی دی او وایي ډېر میزایل یې د امریکا په مشرۍ اتحادي ځواکونو شنډ کړي دي.
امریکايي چارواکو ویلي دوی ته د ایران حکومت کوم خبرداری نه دی ورکړی چې ګواکې پر اسرایل باندې به دا ډول بریدونه وکړي.
پر اسرایل باندې د میزایلو تر برید وروسته د ایران پوځ ویلي، "زموږ د وسلو سیسټم خپل 90 فیصده ټاکل شوي هدفونه په نخښه کړي دي"، د ایران پوځ اسرایل ته په اشارې ویلي، "دوی زموږ رحم زموږ کمزوري وګڼله".
90% of our weapon systems successfully struck their intended targets.#OpTruePromise2
— Iran Military (@IRIran_Military) October 1, 2024
د اې پي خبري ایجنسۍ د رپوټونو له مخې ایران اسرایل ته 180 میزایل ور ویشتلي دي چې د اسرایل د پوځ په وینا دا به نتیجې ولري.
د ایران صدر مسعود پزشکیان وایي، د خپلو جایزو حقونو په بنیاد او د ایران او سیمې د سولې او امنیت لپاره یې د اسرایلي رژیم "تېریو ته غوڅ جواب ورکړی دی. ښاغلي پزشکیان پر خپل ایکس یو پوسټ کړی چې ایسنا خبري ایجنسۍ یې هم حواله ورکړې ده، هغه لیکلي:
"دا اقدام د ایران د ګټو او خلکو د دفاع لپاره وو. نتنیاهو باید پوه شي چې ایران جګړه مار نه دی، بلکې د هر ډول ګواښ خلاف کلک ولاړ دی. دا زموږ د زور یواځې یو څرک دی. له ایران سره په شخړه کې مه لوېږئ".
بر اساس حقوق مشروع و با هدف صلح و امنیت برای ایران و منطقه، پاسخ قاطع به تجاوزات رژیم صهیونیستی داده شد. این اقدام در دفاع از منافع و اتباع ایرانی بود. نتانیاهو بداند، ایران جنگطلب نیست اما در برابر هر تهدیدی قاطعانه میایستد. این تنها گوشهای از توان ماست. با ایران وارد درگیری…
— Masoud Pezeshkian (@drpezeshkian) October 1, 2024
د اسرایل د پوځ ویاند رېر ایډمرل ډېنیل هګاري په یوه ویډیو کې ویلي، د هېواد هوايي دفاعي یې د ځواکونو یې ډېر ورتلونکي میزایل ناکاره کړي خو وایي ځینې یې د اسرایل پر مرکزي او جنوبي سیمو لګېدلي دي:
"زموږ د دفاع او برید وړتیاوې په لوړه کچه چمتو دي. زموږ د عملیاتو پلانونه چمتو دي. موږ به د اسرایل د حکومت له لارښوونې سره سم هر چیرې، هر کله او هر څنګه چې وغواړو جواب به ورکړو".
“Iran’s attack is a severe and dangerous escalation. There will be consequences…We will respond wherever, whenever and however we choose, in accordance with the directive of the government of Israel.” Watch IDF Spokesperson RAdm. Daniel Hagari regarding Iran’s large-scale… pic.twitter.com/A8pyC7eawI
— Israel Defense Forces (@IDF) October 1, 2024
امریکا پر اسرایل د ایران د بریدونو غندنه کړې ده او تهران ته یې خبرداری ورکړی چې د سه شنبې- نهې په ورځ پر اسرایل باندې د بېلسټیک میزایلو د برید له سختو نتیجو سره به مخامخ شي.
د امریکې د ملي امنیت سلاکار جیک سولیوېن وویل، په سیمه کې د امریکې پوځي ځواکونو له اسرایلو سره د برید په ناکامه کې مرسته وکړه او وایي د بایډن انتظامیه د جواب په اړه له اسرایل سره مشوره کوي.
سولیوېن د اکتوبر پر لومړۍ نېټه ماسپښین په سپینه ماڼۍ کې خبریالانو ته وویل، "دا د ایران له خوا د شخړې د پام وړ زیاتوالی دی، یوه مهمه پېښه ده. موږ په څرګنده ویلي چې دا برید به نتیجې ولري، شدیدې نتیجې به ولري او موږ به له اسرایل سره د دې قضیې په اړه په ګډه کار وکړو."
ښاغلي سولیوېن وویل د صدر جو بایډن اداره لا هم حالات څاري او معلومات راټولوي.
د غزې د شخړې د ختمولو لپاره د بایډن انتظامیې په مرسته له څو میاشتو راهیسې خبرې اترې روانې وې او په دې برخه کې منظمې ژمنې ډزبندۍ ته د نیزدې کېدو سبب شوې وې، خو پر اسرایل د ایران د بېلسټیک میزایلو برید په سیمه کې د تاوتریخوالي د زیاتېدو نخښه ده.
ایران په لبنان کې د حزب الله پر مشر حسن نصرالله او د دې ډلې پر یو شمېر مشرانو د اسرایل د هوايي او ځمکني برید په غچ کې پر اسرایل دغه جوابي برید وکړ، د ایران پوځ پر خپل ایکس د حسن نصرالله عکس ته لیکلي، "موږ ستا په درناوي کې زلزله جوړه کړه".
پېنټاګان ویلي، د امریکا د سمندري ځواکونو دوو بریدګرو بېړیو اسرایل ته د ور ویشتل شویو ایراني میزایلو د ناکاره کولو لپاره په لسګونو شنډوونکې وسیلې یا انټرسیپټر ور ویشتلي دي.
د پېنټاګان ویاند مېجر جنرل پېټریک رایډر دغه برید مهم بللی او ویلي یې دي چې امریکا له خپلې خاورې د دفاع په برخه کې د اسرایل د حق ملاتړ کوي.
رایډر وویل دا برید د ویشتل شویو بېلسټیک میزایلو شمېر ته په کتلو د هغه برید په نسبت دوه چنده لوی برید وو چې په تېره اپریل میاشت کې ایران د برید په وخت اسرایل ته ور ویشتلي وو.
د امریکا د بهرنیو چارو د وزارت ویاند مېتیو میلر ویلي، امریکا د نړۍ پر ټولو هېوادونو غږ کوي چې د ایران د برید په غندلو کې ورسره ملګري شي او دا یې "بې شرمه" او "د نه منلو وړ" بللی دی.
یادونه:- د رپوټ ځینې معلومات د اې پي او رویټرز خبري ایجنسۍ اخیستل شوي دي.