بلوچستان ایالت کچلاغ سیمې ځوان نقاش یا پینټر نصیب خان د وړوکوالې نه د رنګونو سره شوق درلود او غوښتل يې هم دغه آرټ یا فن کې ځان ته نوم پیدا کړي. د دغه شوق له وجې يې د سبق سره سره د دکانونو بورډونه (ساېن بورډز)او انځورونه یا پينټنګز جوړول شورو کړل.
نصیب خان د وي او ای ډیوه سره د خبرو په وخت ویلي کله چې خبر شوم چې د رنګونو په دنیا کې لوړې زده کړې یا باقاعده سبقونه شته نو د کور د مشرانو په مشوره مې په فاېن ارټس کې داخله وکړه. د نصیب خان د لاس جوړه انځورونه یا پینټنګز هغه بیا په سوشل میډیا خپرول پیل کړل او پلان لري د دغو نندارتون هم اوکړي.
د کچلاغ دغه ځوان وايي انځورونو کې يې د پښتنو د ژوند بیلا بیل رنګونه ښکاري، د پښتنو خوشحالۍ، د ژوند رنګونه مشکلات او دردونه، غواړي دغه هر څه په انځورونو کې نړۍ ته ښکاره کړي.
نصیب خان د وي او ای ځوانانو برخه کې میلمه وو. د خپل ژوند قیصه او خپل جوړ انځورونو په حقله يې دغه خپرونه کې خبرې کړي. تاسو يې د خبرو تر څنګ د بیلا بیل انځورونه هم کتلی شۍ. د دغه خپرونې کوربانه بختور شاه او ماه وش جلیل وو.
Your browser doesn’t support HTML5
په رنګونو نړۍ ته د پښتنو ژوند ښودل غواړم: نصیب خان