د جنوبي وزيرستان په سراروغه سیمه کې تیره ورځ د مسیدو قومي جرګه شوې چې پکې په علاقه کې د امنیت د ټیګنښت، د بیا پوځي عملیاتو د مخنیوي او حکومتي عملدارۍ پرځای کولو غوښتنې شوې او ویلي يې دي که د پاکستان پوځ بیا دغلته عملیات کوي د علاقې خلک به کورونو نه پریږدي.
په جنوبي وزیرستان کې بیا د بارودي ماين چاودنې پېښه شوې د علاقې یو تنکی ځوان پکې ژوبل شوی دی. پولیسو د ماين چاودنې دا تازه پېښه تاييد کړې او وایي دا پیښه پرون د جمعې په ورځ د جنوبي وزیرستان د لدها سب ډویژن په شوال سیمه کې شوې ده.
د پښتون ژغورنې غورځنګ مشر منظور پښتین وایي د شمالي وزیرستان خړ کمر پیښې درې کاله پوره شول خو په دې پېښه کې وژل شوو کسانو ته انصاف ور نه کړی شو.
نور کتل
