دپاکستان دجنګ ځپلې قبائیلي سیمې شمالي وزیرستان دمرکز میرانشاه ظفرټاؤن اوسیدونکو پریکړه کړې چې دکډوالۍ په مهال ورسره هیڅ انساني سلوک نه کیږي اؤ نور دخپلو حقونو دپاره محکمې ته ځي.
هغوئ وایي که څه هم په تیرو دریوؤ کالو کې حکومت د خپلو سیمو نه بې کوره شوي ګڼ شمیر ګډوال بیرته خپلو سیمو ته لیږلي خو دظفرټاؤن کډوال اوس هم د کډوالۍ په ژوند کولو مجبوره دي.
بنو کې د ظفر ټاؤن اوسیدونکو د یوې جرګې په مهال ویلي هغوي نور د کډوالۍ ژوند ستومانه کړي اؤ غواړي چې په سمدستي ډول خپلو سیمو ته بیرته ولیږل شي.
دغه کډوال دا هم وایي چې دتیرو دریوؤ کالو په مهال هغوئ د سختو مالي ستونزو سره مخ دي، روزګار نه لري، اولادونه یې د مکتبونو اؤ روغتونونو نه محروم دي اؤ نالوستي ورته لوئیږي.
ددغه جرګې یو تن مشر صیب ایوب وائس اف امریکه ډیوه راډیو ته ویلي هغوئ دخپلو مشکلاتو د هواري ډیرې غوښتنې وکړې خو څوک یې غوښتنې ته غوږ نه نیسي اؤ اوس نور هغوئ مجبور دي چې دپاکستان محکمې ته ورشي اؤ د محکمې نه انصاف وغواړي.
ددغه قبائیلي جرګې په هکله نور احوال د عدنان بیټني په لاندې راپور کې اوریدلی شئ
