دکنیډا په مونټریال ښار کې د پښتون ګلوبل ډایسپوره تنظيم مشرانو ویلي دي چې پښتانه په سیاسي، سماجي ،اقتصادي او کلتوري توګه د ستونزو سره مخ دي او دا تنظيم غواړي چې ددغه مسلو حل ولټوي.
د تنظيم په جوړونکو کې یو او د پښتون کونسل کنیډا مشر سراج خان وي او ډيوه ته وویل دا تنظيم به په شورو کې د نړۍ دټولو پښتنو سره رابطې کوي او د نړۍ دپښتنو یو فهرست تیاروي.
وتلی قانون دان زاکر حسین دې غونډې ته د ګډون لپاره د برتانیه نه راغلی دی.
ښاغلي حسین وي او ډيوه ته وویل پښتانه د سیاسي، سماجي او اقتصادي کړمو نه وښکل تر ټولو مهم هدف دی خو که د نورې نړۍ پښتانه دا هدف نه خوښوي نو د هغو مشورو ته به غوږ نیول کیږي.
د امریکی نه په دې غونډه کې شریک شوي د سیاسي چارو ماهر پروفیسر زبیر مسید وویل چې ددې ایسوسي ایشن یو سکوټ پریکړی منشور به تیاریږي او د هغې په رڼا کې به د اوږد مهاله تګ لارې تابیا کېږي.
د تنظیم یو بل غړي ډاکټر کاظم وویل چې په اوږد مهاله تګ لاره کې د پښتو ژبې او فرهنګ د روزنې کارونه شامل دي.
د هدفونو د تر لاسه کولو لپاره د تنظيم مشرانو کمیټئ جوړې کړلی. په دغو کمېټو کې د عامه رسنیو لپاره هم یوه کمېټه ځانګړې شوېې ده چي په نیژدې راتلونکې کې به د ټولینزو رسنیو له لارې د معلوماتو خپرولو او پوهاوي لپاره یو منظم برنامه پر لاره واچوي.
پښتون کاونسل کاناډا په 16 اګست په میسی ساګا ښار کې د ټورانټو پوهنتون په تالار کښې د یوې سیمنیار تابیا هم کړې ده چي پکې به د نړۍ پښتانهٔ اندیالان (اینټلیجینشیا) برخه اخلي.
په دې لړ کې د ذاکرحسین ایډوکیټ، نورالله اتل، پروفیسر سراج، ډاکټر الماس، ډاکټر زبیر مسید، ډاکټر قیوم مومند او نور نامتو پښتانه پوهان او لیکوالان میسيساګا ښار ته رسیدلي دي.
