دبلوچستان ایالت په ګوادر ولسوالۍ کې د دویم ریت یا شګو دهنر سیالۍ کې د سمندري ژوند دخطراتو په اړه هنرمندان راټول شوي اؤ دشګو دهنر جوړ شوي بیلا بیل توکي یې نندارې ته وړاندې کړي دي.
دغو هنرمندانو د شګو ذرې راټولۍ کړي اؤ له هغې څخه یې هنري توکي جوړ کړي دي.
د ډول ډول ریت هنر په سیالۍ کې 19 ټیمونو برخه اخیستې ده چې ډیر یې د ګوادر او د پسني ولسوالۍ څخه دي.
ددې هنري سیالۍ راجوړونکي وایي دسیالۍ اصلي هدف هنر ، کلتور او د زده کونکو د تخلیقی کار په عامه توګه ځایي هنرمندانو ته فرصت برابرول دي
زده کوونکې مهر تاج چې په دې سیالیو کې برخه لري امریکه غږ ډیوه ته وویل وویل" د سیالۍ مهمه موضوع تعلیم دی زموږ په سیمه کې د ښځو تعلیم ته ډیر خنډونه دي"
هغه وایي ددې سیالۍ بل ځانګړی اړخ دا ؤ چې د سمندري ژوند د خطراتو په اړه مسله هم په ټول هیواد کې روښانه شې.
د سینڈ آرٹ د مقابلو تابیا ضلعي انتظامیې او دبامسار په نوم غير دولتی مؤسسې کړی، ددغه موسسې یو تن مشر عقیل احمد وویل چې دلته هنرمندانو د اوبو د کمښت دستونزې او دسمندری ژوند په اړه هنري توکي جوړ کړي دي.
د ټول بلوچستان صوبې څخه تر 80ؤ زیات هنرمندان او زده کونکي به پدې ستر جشن کې برخه لري ترڅو د ګوادر په سینډ هنري مهارتونه نندارې ته وړاندې کړي.
