د پښتنو ځوانانو د راپورته شوی پاڅون پښتون ژغورنې غورخنګ دمشر منظور پښتین،عالمزیب مسید او شاهد شیرانی په ضمانت د خوشی کولو دپاره په ډیره اسماعیل خان سیشن کورټ عدالت کې د خواست اوریدنه نن دنهې په ورځ ټاکل شوي وه خو د وکیلانو د کاربندیز له امله دا اوریدنه وځنډیدله.
منظور پشتین چې د پښتون ژغورنې غورځنګ مشر هم دی په ریاست او ریاستی ادارو پسې دخبرو کولو او اړي گړي راپورته کولو په تورونو کې بندیوان دي او په پیښور کې د نیول کیدو ورسته د ډیره اسماعیل خان یو عدالت څوارلسو ورځولپاره زندان ته لیږلی دی.
د دوی د دفاع کوونکو وکیلانو په ډله کې عبدالمجید هم شامل دي، هغه وي او ای ډیوه ته وویل چې عدالت د دوئ په ضمانت د خوشې کولو عریضې اوریدنې دپاره اوس د فرورۍ اوومه نېټه وټاکله. ځکه چې نن د وکیلانو کار بندیز ؤ.
وکیل عبدالمجید وویل منظور پشتین تر دې مهاله پینځوؤ مقدمو کې عدالت ته وړاندې کړل شوی او د منظور پشتین په شمول په عالمزیب مسید او شاهد شیرانی دریوؤ واړو یو رقم مقدمې دی چې پکې د ریاست او ریاستی ادارو پرضد د سپکاوي د بغاوت او دفعه۱۴۴ مادې د سرغړونو مقدمې شاملې دی.
هغه وویل عدالت ته یې خواست کړی چې دا ټولې اورېدنې دې یوې ورځې ته واړول شي او عدالت د دوي دغه خواست ومنلو.
تیره ورځ هم اسلام اباد هايکورټ د پي ټي اېم د ۲۳ نيولو شوؤ غړو په سمدستي ډول د خوشي کولو امر کړی ؤ او د دوئ وکیل عبدالرحیم ډیوه ته ویلی "د اسلام اباد هايکورټ چيف جسټس اطهرمن الله د اسلام اباد د مرستيال کمشنر نه په اورېدنه کې پوښتنه وکړه چې په کومو بنيادونو تاسو په دې پرامنه مظاهرينو د بغاوت دفعې (مادې) لګولي دي او په کوم قانون تاسو په دوئ د ترهګرۍ مادې ولګولې"
قانون پوهه او د اسلام اباد هائی کورټ وکیل عبدالرحیم وزیر وویل دا یوه تاریخي فیصله وه او دا به د منظور پښتین په مقدمو هم مثبت اغیز ولری ځکه په منظور هم دغه رقم د غدارۍ بغاوت او د ترهګرې مقدمې جوړې دي.
هغه وویل اوس به واړه عدالتونه او انتظامیه د احتیاط نه کار اخلی .
د پي ټي اېم مشران هم وايي په دوي د دروغو تورونه لګول شوی ځکه چې هغه د ائین سره سم برابر خپله پرامنه مباریزه کوي او دا تور به د عدالتونو د لارې لرې کوي.
خو په وروستیو کې د ملک داخله وزیر اعجاز شاه بهرنۍ خبري ادارې سره د پی ټی ایم په اړوند یوې پوښتنې به ځواب کې ویلي وؤ څوک چې قانون ماتوي هغه به نیولی شی
