پاکستان کې د مذهبي احمدي لږکۍ تور لګولی د پنجاب ربوه سيمه کې يو احمدي د مذهبي تندروه ډلې تحريک لبيک مشر خادم رضوي په حق کې شعارونه لګولو نه انکار په سر وژلى شوى دی، خو تحریک لبېک د دغه پېښې نه ځان لا تعلقه ګرځولی.
دغه احمدي تن په داسې وخت وژل شوی چې نن د اګست پر ۱۲مه په پاکستان کې د مذهبي لږکیو ورځ لمانځل شوې او په اسلام اباد کې یې په لوی لاریون کې غوښتنه کړې چې د دوی په ضد د مذهبي د سپکاوي د قانون د ناسم استعمال مخه دې ونیول شي.
د بشري حقونو تنظيم ايچ ار سي پي د کونسل غړى نسرين اظهر وايي ځکه دوي د تحريک لبيک او لاقانونه ټي ټي پي سره د نرمۍ يا د خبرو اترو مخالفه دي جې دې سره به پاکستان کې هذهبي تندروي لاره نوره زياتيږي.
د احمدي لږکۍ خبر پانړى ترمخه دا پيښه نن د جمعې په ورځ د پنجاب په ربوه سيمه کې هغه وخت شوې چې کله چې دغلته په بازار کې موجود 62 کلن نصير احمد نومې احمدي تن د تحريک لبيک په حق کې شعارونه پورته کولو نه انکار وکړو چې له امله يې قاتل په نصيراحمد د چړى ګوزارونه وکړل او هغه په موقع مړ شو.
د احمدي جماعت وياند عامر محمود په وپنا قاتل د مذهبي تندروه ډلې تحريک لبيک د فکر نه متاثره او حافظ قران دى او په موقع ګرفتاره کړى شوى دی.
وي او اى ډيوه سره خبرو کې عامر محمود وويل د يو منظمه منصوبې لاندې تندروه ډله د احمديانو ضد ذهن سازي کوي چې له امله يې وخت په وخت داسې ناوړه پېښې کيږي.
عامر محمود وويل که د دې پېښو مخنیوی ونه شواو په دې پېښو کې د ککړو پرضد کارروايي ونه شوه نو په راتلونکې کې به دا سخت دريځي څوک هم ونه بخښي.
خبردارى ورکوي که چرى دى پيښو مخنيوى او د ذمه وارو په ضد په وخت کارواېې وو نه شوى نو راتلونکې کي به دا سخت دريځ عناصر څوک هم نه
وړاندى نه هم پنجاب صوبه کي واکمن مسلم ليګ ق مرستيال مشر ملک الياس اعوان لخوا د يادې صوبې په خوشاب سيمه کې ميشتو احمديانو د شړلو لپاره ځايي ډپټي کمشنر ته خواست کړى دى.
تيره ورځ لاهور ځانګړي عدالت د ترهګرۍ په تور ګرفتاره د تحريک لبيک نهه غړي د شواهدو د نيشتوالى له امله خوشي کړي دي.
که څه هم تير کال د هغې وخت د تحريک انصاف ګوند حکومت په تحریک لبيک د خونړو احتجاجونو په سر بندېز لګولی خو حکومت بيا زر خپله دغه پرېکړه بيرته اخستې وه.
پاکستان کې يو تاثر دا هم دى چې ګنې د پاکستان طاقتوره رياستي ادارى غواړي تحريک لبېک قامي بهير کې شامل کړي.
د پنجاب په چناب نګر کې د احمدي تن د وژنې پېښې ته غبرګون کې د بشري حقونو تنظيم ايچ ار سې سي پې د کونسل غړې نسرين اظهر دا پېښه وغندله.
وي او اې ډيوه سره خبرو کې هغې وويل تحريک لبيک غونتى ډلو سره د نرمي له امله تندروي له نوره هم خوريږي او په دى اساس د لاقانونه ټي ټي پي غونتى ترهګر ډلى هم ډاډ مومي ځکه دوي د حکومت او ټي ټي پي ترمنځ د مذاکرات مخالفت کوې
وي او اې ډيوه د ربوه د پېښې په اړه د د پنجاب چناب نګر پوليس سټيشن ايس ايچ او ملک طاهر منج سره د رابطې هڅه کړې خو تماس ورسره نه دی شوی.
بل اړخ ته د تحريک لبيک وياند راجه دانش بختيار ربوه کې د احمدي تن د وژنې د پېښى نه لاتعلقي ښودلې ده.
د بشري حقونو ملکي او نړيوال تنظيمونه د ډير وخت راهسې تور لګوي د پاکستان حکومت لږکيو حقونه خوندي ساتلو کې ناکامه دى خو پاکستان دا تورونه ردوي.
تيره ورځ په 11 اګست د لږکيو سره يو والي ورځې نمانځلو په موقع مرکز کې د پي ډي ايم حکومت د اقليتونو حقونو تحفظ باوري کولو ويلي، او حکومتي اتحاد کې شامل دويم لوى پيپلز ګوند مشر بلاول بټهو د لږکيو د شخړو دهواري لپاره ټولو سياسي ګوندونو غړو ته د ګډې پارليماني کمېټۍ د جوړولو وړانديز هم کړى دى.
