شاوخوا 50 ژوندي پاتې شوو کسانو او د نړۍ لسګونو مشرانو د ګل، دوشنبې په ورځ په پولېنډ کې د اشویټز-برکیناو د کنسنټرېشن یا حراستي کېمپ کې په هغه یادګاري دستورو کې برخه اخیستې چې په دویم نړیوال جنګ کې د شوروي اتحاد پوځ په مرسته ازاد یا ژغورل کېدو 80 مې کلیزې په مناسبت جوړې شوې وې.
د جنورۍ 27 مه په ټوله نړۍ کې د هولوکاسټ یا یهودیانو د نسل وژنې د یادونې ورځې په توګه لمانځل کیږي. په هولوکاست کې شپږ میلینه خلک ووژل شول کله چې نازي جرمنیانو د یهودانو نسل له منځه وړلو هڅه وکړه.
د " ډیت ګیټ " یا مرګ دروازې مخې ته چې د یو میلین نه ډیر یهودیان او نور بندیان پکې وژل شوي وو، ژوندي پاتې شوي کسان او د نړۍ مختلف هېوادونو مشران او استازي په یوه ګرمه خیمې کې راټول شوي وو.
دوی د اشویټز-برکیناو د کنسنټرېشن کېمپ د شاوخوا 1.1 میلینه وژل شوو خلکو په یاد کې شمعې بلې کړې او د ګلونو ګېډۍ یې کېښودې.
د 1945 کال د جنورۍ په 27 مه د شوروي اتحاد سره پوځ پوځیانو اشویټز کېمپ ازاد کړو، چې د نازیانو نسل وژنې په شپږو کېمپونو کې تر ټولو لوی وو.
په صنعتي پیمانه د خلکو وژل، چې په هاسټلونو، ګېس چېمبرز ، کرېمېټوریا (هغه ځای چې د مړ شوي تن مړی پکې سوځول کیږي) هدیرو او ډله ییزو قبرونو خپور وو. د یو داسې حکومت مشینري او سامان چې د ټول یهودي نسل د منځه وړلو لپاره جوړ شوي وو. په څلور نیمو کلونو کې ترسره شوې نسل وژنه ، چې ډیره په تفصیل سره پلان شوې او عمل ورباندې شوی وو.
د اندازی تر مخې په اشویټز-برکیناو کېمپ کې شاوخوا 1.1 میلینه خلک وژل شوي چې شاوخوا 960,000 یهودیان وو. پولز ، روما، همجنس بازان، د شوروي اتحاد جنګی قیدیان او نور قامونه هم په زرګونو شمېر کې ووژل شول.
Forum