امریکې ویلي، په شام کې یې کره هوايي بريد کړی، د القاعده يو مهم چارواکی يا غړی یې وژلی دی، دغه خبر پرون په 16مه فرورۍ د امریکې مرکزي قومندانۍ يا سېنټکام ورکړی دی.
سېنټکام ويلي، دغه د شام په شمال لويديځه سيمه کې په يوه کره فضايي حمله کې په نخښه شوی دی.
د وژل شوي تن نوم نه دی ويل شوی، خو زياته کړل شوې چې دغه تن د ترهګرې ډلې القاعده د حراس الدين په نوم تنظيم مالي او لوجسټکي چارواکی وو.
امریکې تېره میاشت هم په يو هوايي بريد کې د حراس الدين ډلې د يو مشر صلاح الذبېر د وژلو ويلي وو.
امریکا کې د سايټ په نوم استخباراتي ادارې په وينا، حراس الدین ډله د 2018م په فرورۍ کې جوړه شوې وه.
ويل شوي، دغه ډله چې په جنورۍ کې د القاعده څخه جدا شوې، په رسمي ډول یې د القاعده د بېعت کولو نه وو ويلي.
امریکې په 2019م کې حراس الدین "ترهګره" ډله اعلان کړې وه، او د دې ډلې د يو شمېر غړو په سر یې د معلوماتو ورکولو په سر مالي انعامونه هم اعلان کړي وو.
د تېر کال اګست او ستمبر د میاشتو راهسې په شام کې د دغه ډلې د مشرانو په نخښه کولو دپاره بريدونه ترسره کیږي.
Forum