د خېبر پختونخوا جنوبي ضلعې ډېرہ اسماعیل خان په کلاچي تحصیل دا منیتي ځواکونو په ګاډي چاودنه کې دوہ پاکستاني عسکر وژل شوي دي.
د امنیتي سرچینو ترمخه، د ډېرہ اسماعیل خان د کلاچي تحصیل بایي پاس روډ باندې لوني پل سرہ نزدې د امنیتي ځواکونو په ګاډو د سړک غاړې اېښودل شوي بم چاودنه شوې، دوہ ګاډي پکې په نخښه شوي دي.
سرچینو چاودنه کې د دوو عسکرو شېزمان او حسیب وژنه تایید کړې او څو نورو عسکرو ژوبلېدو ویل شوي دي.
لاقانونه ګرځول شوې تحریک طالبان پاکستان د برید زمه واري منلې دہ.
د پاکستان پوځ په رسمي توګه د چاودنې په اړہ څه نه دي ویلي.
ویل شوي چاودنه کې دوہ ګاډي تباہ شوي، امنیتي ځواکونه علاقې ته رسېدلي او ژوبل عسکر روغتون ته منتقل کړل شوي دي.
ویل شوي د ہېښې وروسته امنیتي ځواکونو علاقه په ګېره کې اخستې او د لټون عملیات یې پېل کړي دي.
دوه ورځې وړاندې شمالي وزيرستان کې د وسله والو سره نښته کې د پاکستان د پوځ د يو افسر په ګډون څلور عسکر وژل شوي وو.
د پاکستان د پوځ مشر جنرل عاصم منير ويلي، "پوځ نن سبا د فساديانو سره جنګيږي، د فتنه الخوارج سره، دوی ګڼي چې جهاد کوي، خو دوی خارجي دي، د دين څخه وتلي، ځکه دوی د اسلام غلط تشريح کړی او هغه په اسلام کې جايز نه دی".
د پاکستان پوځ پرون په 16مه فرورۍ يوه ويډيو خپره کړې، چې پکې د پوځ مشر زده کوونکو ته وينا کوي.
جنرل عاصم منير ویلي، "پوځ د فتنه الخوارج جنګيږي". د پاکستان پوځ تحريک طالبان پاکستان د فتنه الخوارج په نوم يادوي.
د پوځ مشر ویلي، دوی "دې د رياست په وړاندې تسليم شي، دوی بیا د رياست څخه د رحم تمه لرلی شي".
د نوموړي په خبره، څو پورې چې قام او ځوانان د پوځ په شا ولاړ وي او پوځ د قربانۍ جذبه لري، پوځ نه شي غورځېدې، پوځيان د ملګرو په څېر جنګيږي.
د پاکستان د پوځ مشر دغه څرګندونې په داسې وخت کې کړي چې په ځانګړي ډول د پاکستان په دوه صوبو خېبرپښتونخوا او بلوچستان کې د ناامنۍ پېښې سېوا شوي دي.
Forum