د هند د انتظام لاندې کشمیر کې د بیلتون خوښو یاغي وسله والو په ضد د عملیاتو په مهال د هندي پوځ د یو افسر په ګډون څلور عسکر وژل شوي.
د سرینګر څخه د امریکا غږ د خبریال یوسف جمیل له مخې چارواکو د نهې په ورځ ویلي چې د پوځ اؤ د کشمیر د پولیسو د ګډو عملیاتو په مهال د یاغي وسله والو په ډزو ژوبل شوي څلور عسکر مړه شوي دي.
چارواکو ویلي هندي عسکر د ګل یا دوشنبې په شپه د جمو کشمر په ډوډا ضلعه کې عملیات کول چې په دغه مهال وسله والو پې ناتاره ډزې وکړې اؤ وتښتېدل.
په دغو ډزو کې د هندي پوځ د یو کپتان په کډون څلور عسکر ژوبل شوي وؤ چې وروسته یې د زخمونو توان رانه وړو اؤ ساه یې ورکړه.
چارواکو د دغو وژل شوؤ عسکرو په اړه نور جزیات نه دي ښکار ه کړي.
په یوه اوونۍ کې د یاغي وسله والو لخوا ډزو کې هندي پوځ ته د زیان رسیدلو دا دویمه ستره پېښه ده.
تېره اوونۍ د جمو په کټهوا سیمه کې د لټون د عملیاتو په مهال د یاغي وسله والو ډزو کې پینځه هندي عسکر وژل شوي وؤ.
د هند د انتظام لاندې د کشمیر په پونچهـ راجوړي سیمو کې په دې وروستیو کې سیوا شوې د تشدد پېښې اوس جمو ته هم خورې شوې دي.
( د وي او ای اردو په مننه)
Forum