هندوستان په اېشیا کپ مقابله کې پاکستان ته ماتی ورکړو

هند د اېشیا کپ په مقابله کې د ګل، دوشنبې، په ورځ د کرکټ ټیم پاکستان ته ماتی ورکړو. د هندوستان سپېن بالر کلدېپ یادیو پېنځه وېکټې واخیستلې.

د هندوستان د 356 رنزونو په مقابله کې پاکستان د اتوو لوبغاړو په سوخېدو 128 رنز جوړ کړل. د پاکستان نسیم شاه او حارث روف د ان فېټ کېدو له امله بېټېنګ و نه کړی شو.

د پاکستان په اننګز کې د ټولو نه زیات رنزونه فخر زمان 27 جوړ کړل.

هندوستان په 50 اورونو کې 356 رنز جوړ کړي او صرف دوه لوبغاړي یې وسوځیدلي وو او پاکستان ته یې د میچ ګټلو لپاره 357 رنز هدف ورکړی وی.

د اېشیا کپ کرکټ کپ د یو ورځنیو مېچونو د سوپر فور پړاو کې د پاکستان او هند ترمنځ نيمګړی مېچ د ګل، دوشنبې، په ورځ بيا پیل شوی و. پرون د لوبې ټاس پاکستان ګټلی و او هند ته یې بیټنګ ورکړی وو.

تیره ورځ مېچ د باران له امله د 25م اوور په لومړي بال ودرول شو. د هند دوه لوبغاړي سوځېدلي وو 147 رنزونه یې جوړ کړي وول.

د باران د لاسه ودرول شوی مېچ د ګل، دوشنبې، په ورځ هم د هغه ځاۍ نه پیل شو په کوم ځای چې ودریدلی و. په دریم نمبر راوتي د هند لوبغاړي ویرات کوهلي 122 رنزه جوړ کړل او کې راهول 111 رنز جوړ کړل.

پرون اوټ شوي اوپنر شبهمن ګل 58 رنز جوړ کړي وو. او کپتان روهت شرما په 56 رنز اوټ شوې وو.

ایشین کرکټ کونسل (اې سي سي) دپاکستان کرکټ بورډ له نیوکې وروسته د ګل یا دوشنبې ورځ هم د دواړو ټیمونو ترمنځ د امکاني لوبې لپاره ټاکلې وه.

د نيمګړې پاتې شوې سيالۍ دپاره ننۍ ورځې ته د ريزرو ډی نوم ورکړل شوې وو.

که نن هم په مېچ کې باران کيږي او سیالي نه پوره کيږي نو دواړو لوبډلو ته به يو يو پواينټ ورکول کېږي. پاکستان سره به درې پواينټونه شي.

له دې وړاندې د پاکستان او هند يوه بله سيالي هم د باران له وجې نه وه پوره شوې.

ويل شوي له دې وروسته به هند ته د ايشيا کپ فاينل ته رسېدو دپاره خپلې راتلونکې دواړه سيالۍ ګټل وي.

د سوپر فور پړاو کې له دې وروسته د پاکستان يوه سيالي د سري لنکا سره پاتې ده، او هند به دوه سیالۍ کوي د سري لنکا او بنګله دېش لوبډلو سره به مخامخ کيږي.

د ګل، دوشنبې، په ورځ پاکستان ته د ماتې ورکولو وروسته هندوستان په سوپر فور مرحله کې دوه پواینټس ترلاسه کړل.

پاکستان هم دوه پواېنټس لري.