داعش وسله والې ډلې د جمعې په ورځ د سوشل میډیا په ټېلېګرام نومې وېب پاڼه د افغانستان سرښار کابل کې د هغه بم چاودنې ذمه واري ومنله چې څلور تنه یې وژلي او اووه نور کسان یې زخمیان کړي دي.
دغه بم چاودنه د زیارت، پنجشنبې، په ماښام د کابل په مغربي برخه دشت برچي کې د ورزېش په یو کلب یا جېم کې وشوه.
په دشت برچي کې زیاتره ابادي د شیعه مسلمانانو ده.
داعش چې سني ډله ګڼل کېږي، ویې وېل وسله والو يې د کلب په یوه کوټه کې بم اېښودی و.
خبریالانو ته یو په پېغام کې د کابل د پولیس ترجمان خالد ځدران وویل د چاودنې په اړه تحقیقات لا دوام لري.
ځدران وویل په چاودنه کې څلور کسان وژل شوي او اووه نور زخمیان شوي دي. په ابتدايي توګه په چاودنه کې د دوو کسانو د وژل کېدو معلومات ورکړی شوي وو.
طالبانو په سمدستي ډول چاودنې د مسولیت په اړه د داعش په بیان څه نه دي و نه وېل.
په افغانستان د طالبانو د بیا واکمنېدو نه پس داعش په کابل او د افغانستان په ځینو نورو برخو کې د یو شمېر حملو ذمه واري منلې ده.
د افغانستان هزاره ټولنه، چې اکثریت غړي یې شیعه مسلمانان دي، د دې نه مخکې هم په حملو کې په هدف شوي.
طالبان وخت په وخت د داعش خلاف د عملیاتو او د ډلې د وسله د وژلو او نیولو خبرونه هم مطبوعاتو سره شریکوي.
Forum