کوټه —
د بلوچستان په قلعه سیف الله ضلع کې طالبانو د لېویز په ځواکونو ډزې کړې دي او چارواکي وايي دوه عسکر پکې وژل شوې دي.
بلخوا، د بلوچستان حکومت ویلي د ٢٠٠ نه زیات بېلتون خوښو بلوڅانو وسله غورځولي ده او حکومت ته تسلیم شوې دي.
په قلعه سیف الله کې په لېویز حمله د نهې، سه شنبې، په ورځ په جنکشن چوک کې وشوه. دوه عسکر پکې ووژل شو او دوه نور زخمیان وو.
که څه هم حکومتي مامورینو په لېویز د حملې پړه په نامعلومو وسله والو واچوله خو پاکستاني طالبانو د حملې ذمه واري په خپله غاړه واخیسته.
په عین حال کې په کوټه کې یوه دستوره وشوه چې پکې د حکومتي مامورینو ترمخه تر د ٢٥٠ پورې بلوڅ وسله وال حکومت ته تسلیم شول او د حکومت خلاف یې د جنگ نه لاس واخیستلو.
د پخواني بېلتون خوښو د تسلیمېدو په اړه نور تفصیل د وي او ای ډیوه خبریال حمید سمسور په رپورټ کې اوریدی شئ:
