په بلوچستان کې د پوليو ضد اووه ورځنی کيمپېن د ګل، دوشنبې، په ورځ پيل شو، چې له مخې به يې په ټول ايالت کې پينځه ويشت لکه شپږ نوي زره ماشومانو ته به د پوليو ضد قطرې ورکول کېږي. په کيمپېن کې شاوخوا يولس زره ګرځنده ټيمونه برخه اخلي.
د بلوچستان د صحت محکمې ايالتي سيکرټري عبدالله خان په کوټه کې د کيمپېن پرانيسته ماشومانو ته په څاڅکو ورکولو وکړه.
د صحت محکمې سيکرټري عبدالله خان د کيمپېن د پرانستې پر مهال خبري غونډې ته وويل، چې کيمپېن به د صوبې په شپږدېرش ضلعو او اته سوه يونين کونسلونو کې ترسره کېږي.
د کيمپېن په مهال به شاوخوا شپږويشت لکه ماشومان چې عمرونه يې ترپينځو کلونو پوري دی، د پوليو ضد قطرې ورکول کېږي.
عبدالله خان "موږ دا هوډ کړی، چې ترڅو په صوبه کې د پوليو وايرس به بشپړه توګه له منځه نه وي تللی" د وايرس ضد کوښښونه به دوام لري.
هغه وویل د پولیو خلاف تازه کېمپېن لپاره مکمل تیارۍ نیول شوي او د ګرځنده ټيمونو امنيت ساتل شوی دی.
عبدالله خان غوښتنه وکړه چې ميندې او پلرونه بايد ماشومانو ته د قطرو ترڅنګ د هغو د حفاظتي ټيکو ويکسين هم ارومرو ورکړي.
د بلوچستان د روغتيا د بېړنيوعملياتو دفتر اي او سي وايي، په بلوچستان کې په تېرو درېو کلونو کې د پوليو مثبت کېس نه دی رپوټ شوی، خو په تېرو مياشتو کې د صوبې په پينځو ضلعو کې له چاپيريال په اخيستل شوو ماحولياتي نمونو کې د پوليو وايرس موندل شوی وو.
Forum