د تربت د پوليسو مشر وويل نامعلومه وسلوال په تربت ښار کې یو مارکېټ سره نزدې يو کور ته ورننوتل، ډزي یې وکړې چې دوه تنه په کې ووژل شوو او يو ټپي شو.
د پولیس یو اعلا چارواکي وي او ای ډیوه ته د نوم نه څرګندولو په شرط وويل چې دا درې سره کسان د سيند صوبې د سانګړ اوسيدونکي او د هندو ټولنې غړي وو او د کشیده کارۍ کاروبار يې کولو.
پولیس وویل تحقیقات شروع کړي خو ګڼي چې د ګل، دوشنبې، د ورځې دا واقعه د هدفي وژنې پېښه ده.
د بلوچستان وزير اعلا سرفراز بګټي د پېښې غندنه وکړه او امری يې وکړو چې قاتلان دې په سمدستي توګه ونیول شي.
ٶزيرآعلا وويل د بلوچستان په ټولنه کې د اقلیتي ټولنې غړي هروخت خوندى وو خو اوس دوی هم د ترهګرو هدف دي.
کېچ د مکران ډيويژن برخه ده او ويل کېږي چې په سیمه کې بلوڅ وسله والې ډلې هم فعالیت لري.
دا مياشت په کېچ او په تربت کې د ناامني ځینې نورې پېښې هم شوي دي.
د نېشنل ډيموكرېټک ګوند غړی او د ايم فل طالب علم الله داد بلوڅ هم د نامعلومو وسلوالوپه حمله کې وژل شوی دی.
د هغه د وژني په ضد بلوڅ يکجهتى کميټې احتجاجونه هم کړي وو.
Forum