د خېبرپښتونخوا د وزیراعلا علي امين ګنډاپور په پلارنۍ سيمه کې د پوليسو په ګاډي چاودنه شوې، لږ تر لږه دوه پوليس اهلکار پکې ژوبل شوي دي. شمالي وزيرستان کې یو بل تن په هدفي پېښه کې وژل شوی دی.
د ډېره اسماعيل خان پوليسو وي او اې ډیوه ته تاييد کړه، د پوليسو ګشتي موبايل په علاقه کې په ګزمه وو، اېس اېچ او او نور پوليس پکې سپاره وو، د کلاچي تحصیل په ټانک سړک دپاسه هتهاله علاقه چې د وزيراعلا کور سره نزدې ځای دی، دغلته د پوليس په ګاډي د وړاندې څخه اېښودل شوي بارودي مواد چاودلي دي.
د ضلعې پوليس مشر (ډي پي او) دفتر ويلي، په چاودنه کې د پوليس دوه اهلکار ژوبل شوي او د ډېره اسماعيل خان مرکزي روغتون ته منتقل کړل شوي دي.
چارواکو ويلي، په پوليس ګاډي (موبايل) د چاودنې وروسته پوليسو ډزې هم کړي او د وسله والو سره د نښتې د تبادلې یې ویلي دي.
خو وسله والو ته د کوم تاوان اوښتو خبر نه دی ورکړل شوی.
په سمدستي توګه د بريد زمه واري چا نه ده منلې.
د ضلعې پوليس مشر (ډي پي او) ناصر محمود ستي بيا روغتون ته ورغلی د ژوبل اهلکار سره یې ليدلي او ویلي يې دي، د پېښې پلټنې پيل کړل شوي، اضافي نفري علاقې ته استول شوې ده.
هغه وویل، پوليس په علاقه کې د خلکو د تحفظ دپاره موجود دي او د هيڅ ډول قربانۍ څخه نه په شا کيږي.
په کومه علاقه کې چې نن د پوليس ګاډی په هدف شوی د دغه ځای سره نزدې د اپرېل د میاشتې په وروستيو کې يو جج هم نامعلومو وسله والو تښتولی او ګاډی یې ورله سوځولی وو.
خو د تښتول شوي جج په درېمه ورځ د بيرته راتلو يا راخوشي کول کېدو ويل شوي وو.
په شمالي وزيرستان کې تېره شپه په شوا تحصيل کې يو بل تن چې په ډاکټر مشهور وو، نامعلومو وسله والو په ډزو وژلی دی.
د شمالي وزيرستان پوليس ياده پېښه تاييد کړې او ويلي يې دي د پېښې مقدمه د نامعلومو کسانو پرضد درج کړل شوې ده. د يادې پېښې هم چا زمه واري نه ده منلې.
د افغانستان سره په پوله پرتې ناارامه ضلعې شمالي وزيرستان کې په روانه میاشت کې د هدفي وژنو دا شپږمه پېښه ده. دوه ورځې وړاندې په حېدر خېل سيمه کې نامعلومو وسله والو په يو ګاډي ډزې کړې او اور یې ورته اچولی وو، دوه کسان پکې ژوندي سوځول شوي او بل بيا په سوځيدل مړ حالت کې ترلاسه شوی وو.
هم درې ورځې وړاندې په خدرخېل کې يو تنکی ځوان هم په ډزو وژل شوی وو. په دويم جون په شوا تحصيل کې يو پوليس اهلکار
د خېبرپښتونخوا جنوبي ضلعو ډېره اسماعيل خان، لکي مروت، بنو، ټانک او وزيرستان کې په وروستيو کې د ناامنۍ پېښې سېوا شوي دي.
Forum